Tulaai leitung thuthang pawl khatte

Tulaai leitung thuthang pawl khatte

US president Obama ii thu ngen na ah,Iraq gam leh Syria gam a om IS te kap ding thu ngen in, zawm sakgawp ding leh sumai maang ding cihi. Iraq leh Afghan asim lai uh tawh hong kilam dang ding hi cihi.US galkap te pen lei lam pan in kapsak sawm lohi.Vanlam pan in kapsawm a, lei lam pan ahi leh Syria kumpi leh IS te adeih lo gam nuai mipi te kapsak sawmhi.Tua ahih man in akitam sam sum le paii te tawhhuh in , akisam ahi galkap siamna te sim sak dingcihi.Hih IS te do na ding ah US leh akipawl pih te in panpih ding hi.US ah Obama leh apawlte in mipi thapiak na ngah ahih man in congress ah mapan ding uhhi. Tua ahih man in US mipi tampi te in lungkim pih uh ahih man in, Obama in ama gelna te pen alak khiat ding hita hi cihi.

US secretary of state John Kerry in hih IS te tawh kisai in Midle East gam te ah hawh kawikawi in, hih IS te do na ding kithu khat a mapang khawn ding in zawn in, hahkat mahmah hi.Iraq ah apai na ah PM Abedi in IS te do na ding ah ahuh ding uh ngen a, John Kerry in zong san thei in kamciam pia hi.Iraq PM thak ahi Abedi tawh kisai in , Jonh Kerry in , gam thu leh galthu te apia zia te puahpha a akhek na te pen tha ngah huai mahmah hi cihi. Tua hun lai tak in Baghdad ah mawtaw bomb puak in mi 25 sicihi.

Britain uk na pan in Scotland te insuahtak na la

nuam uh ahih man in , tu kha 18 ni ciang mipi thukim na la ding uhhi. Tua ahih man in party lian maikai thumte buai mahmah uhhi. PM Cameron zong Scotland ah pai in nitha paii in thu ngen a, ” mipite kiang ah ngaihsun phamahmah un, mipi deih nacih pen na deih bang un kilaih theilo ding hi , ka partysang in gam ka it zaw hi”, cihi. Hih tawh kisai in Scotland CM Alex Solmon in hih party maikai te hong pai pen kua mah in deihlo hi, mipi te in inntuan ding lam ah lung lut zaw uhhi cihi.Tuaban ah amau pen azakiat ding alau man uhhi cihi.Scotland te inn atuan vua leh Britain gam a bank lianpen ahi Royal bank of Scotland in Edinbourgh pan in London ka tuah ding uhhi ci in, bank lian nih na ahi Llods in zong thu ciamteh na zum te London ah ka tuah ding uhhi cihi.

Ukrain gam ah om Russia deih thautawi te amau leh amau ki uk thei na ka piading hi ci in President Poroshenko in gen hi.Ahih hang in amau pen Ukrain gam huam ah om ding hi ci in, kiptak in gen hi.Akilem na lai uh pen nung thursday ni in bawl uhhi.Hih thu tawh kisai in parliement ah kikum lai ding cihi.Hih ki buai na hangin mipi 2600 sikhin hi.

India leh Pakistan gam in guah zuu tui khang in suksiak na hang in mitul tampi te ii a inn alote uh bei mang in, a inn alo uh nusia in mumn nuam huai na mun ah kituah uh hi.Pakistan gam ah mi 450 val si in, mi 700,000 te in inn leh o nusia in haksak na thuak in om a anek adawn ding uh leh a suak tak nang uh herlicopters leh boat zang in galkap te in huh uh hi. India lam ah zong inn leh lo, lei te kisia in mi 200 val si in 400,000 val in a inn alo uh nusia hi.

Mit tawh kisai:

Mit tawh kisai theih huai thu pawl khat, na mit ah nin aom leh na mit tuai ken.Tui tawh phiat ahih kei leh tui sung ah hak ahihkei leh na lawm te ensak in la anin kheem te lakheh in.Na mit na khat tawh kitat kha ahih kei leh sak kha na hih leh tuai ken, a siin ahih kei leh abawk pen vuk( ေရ ခဲ) nuh in hong kiam pah ding hi. Laptop or ph. na et leh minute 45 khit ciang tawnvei khawl bawl in la na mit tawh agamla na mun te tawn vei sung en in.( first aid pan)

Ciamnuih:

A U pa in a nau nu kiang ah, nau nau teengtaa ki neih ni.Kei na pasal, na pen ka zi ci ding in, kei zukham ci in, ken nang hong tuum ngawt ding cihi.Nu le Pa pen tate a ding sia masate ahi hi.Inn pen sang inn zong ahihi.

KI MAWLNA
ASI :AFF U19
Semifinal ( 11.9.2014)
Myanmar vs Veitnam (4pm )
Japan vs Thailand (6:30 pm)
EURO 2016 Qualifieding Result
KAZAKHASTAN 0-0 LATVIA
CZECH R. 2-1 HOLLAND
ICELAND 3-0 TURKEY
ANDORRO 1-2 WALES
BOSSINIA 1-2 CYPRUS
AZERBAIJAN 1-2 BULGARIA
CROATIA 2-0 MATA
NORWAY O-2 ITALY
Ref: the star paper, bbc. Cin Ngaih