Tualniam lungsim: Tedim tuinak ah ek kitha

Tualniam lungsim: Tedim tuinak ah ek kitha

April 6 ,2018 (Fri) Tedim khuasung thuikhuk tuiphulna te munah tuitam semsem nading leh pakngiam kung kumtamlua te laih na ding pakngiam hiang va suan kawikawi hi ungh.

Mihing gamtat ding a kiklawm hetlo khat ciklak tuiphulna ah na mu kha hi ungh. Ciklak ah ek tum khat na om velval mawk in uih khe mahmah hi. Ko zong hamsa sa pipi mah in va siansuah hi ungh.

I neu lai in Nu le Pa ten cik lak peuh mah ah ek cih thadah cil leh zun nangawn tha theilo ding ci’n hong thu hilh uh hi. Cik in hong pet thei aa cina thei bek tham lo in nuntakna a bei lawh zong mitampi om hi. Tuhun ciang dawi in zong mihing lauta hi mai leh kilawm kasa hi.

Mitampite tuineek /dawnna mun-ah hi bang gamtatna pen kilawm hetlo hi. Ui leh ak nangawn in ek a thak laitak muleng hawl kek mang ding hi hang.

Tuni Sipin nasemte’n Tedim khuapi sung a om tuikhuk/tuiphulna munte ah tui tam nading pakngiam hiang suan kawikawi uh hi.Pawlkhat ten singno suan hunhi nailo sikik pah lel ding ci uh hi.Ko bel a hin mateng June-July kha sung zong suan lai ding hi ungh.

Mipi te’n zong tuiphulna/ tuikhuk te a siangtho na ding leh tui hong tam semsem na ding khut kilen in mapang khawm ni! Tedim Municipal