New York aom President Trump ii neihsa Trump Tower meikang, mi 3 liam

New York aom President Trump ii neihsa Trump Tower meikang, mi 3 liam

USA, New York khuapisung aom Trump Tower pen meikang in mi 3 liam cih Monday ni in New York Fire Department te’n genkhia uhhi. Manhattan khuasung, Trump Tower ii atunglam akang hi a, aliamte lakah khatpa pen liamngawh mahmah cihi.

Hih Trump Tower kici Building inngolpi pen U.S. President Donald Trump ii neihsa hi a, tua meikat laitak in amahpen Washington ah aomlaitak ahihi.

Abeisa President asepma in Donald Trump pen hih innpi sungah aomdenzaw hi a, “Triump’s Primary Residence” ci’nzong akitheikhat ahihi.

Aliam mi 3 te lakah khatpa pen meiphelh Firefighter te hi a, inntung panin meikuang hangin athemkia te in dengsukkha in aliam ahihi. A nuntakna abeilawh liangding in aliamgawp ahihsamloh hangin, liamngawh simsim ahih manin, zato kipuak hi. Adang aliam mi 2 tepen aphual ah kibawlpah uhhi.

President Trump ii tapa ahi Eric Trump in ama Twitter tungah agelhkhiatna ah hih meikang pen Trump Tower ii atungkhum akang cihi. Cooling Tower aom meikhau “Electrical Wire” meikang cihi.

New York Fire Department tepen ahunlap in hong tungpahlian uh a, naseppen kician sitset mahmah uhhi. Hih meiphelhna ah akihel #FDNY te tungah kalung uh dammahmah hi ci’n gelhkhia hi.

Fire Department te genna ah meikuang pen Building innpi ii asunglam hilozaw in, apualam atungkhum akang ahihi. Meikhu pen Vent panin pusuakkhia a, ahi zongin innsunglam ah meikuang kilawhlo hi ci’n Manhattan Borough Commander Assistant Chief Roger Sakowich in genkhia hi.

Video: Three injured in fire atop N.Y.’s Trump Tower, officials say

Meikatna ahangpen aki kancian laitak hi ci’n Fire Department Spokesman khatin genkhia hi. Hoihtak ki kancianding, Investigation kibawlding a, athu akicingin akitheih ciangin Result ki khahkhia dinghi ci’n Firefighter Jim Long in genkhia hi.

Meikat akipatna pen Trump Tower ii atungkhum inndawl 68 Story panin akipan hiding kici hi. Meikuang pen zingsang 7am hunpawl in akipan hi a, tuazawh Minute 15 khitciang in ki phelhzo pahhi ci’n Fire Department te’n pulak uhhi.

More: Philippines gamsung aom Shopping Mall khat meikang in mi 37 si

Meiphelh dingin Firefighter leh Medical Crew bekbek akigawm in 84 in delhpah uhhi. Trump Organization ii azumpi Headquarters zong Trump Tower mahah akikoih ahihi. Sawltak #zomidaily