Update: Donald Trump leh Kim te Singapore kimuhdingvai kisotto khading

Update: Donald Trump leh Kim te Singapore kimuhdingvai kisotto khading

US President Donald Trump leh North Korean leader Kim Jong Un te hongtungding June 12 ni in Singapore ah kaki mukhawmding cih aki tangkosa himahleh lemlohna om ahih manin, ani kisotto khatheiding cih AFP pan kiza hi.

Donald Trump inzong hihvaitawh kisai in Tuesday (May 22) ni in genkhia a, Kim Jong Un tawh kimuhkhop dingpen ziakaito khading hi. Ahi zongin North Korea Leader tawh kimuhkhop dingpen ki hanciam veveding hi ci’n genkhia hi. Sawltak #zomidaily

Video: US President Donald Trump said that there was “a very substantial chance” his Singapore summit with North Korean leader Kim Jong Un may not take place on Jun 12 as planned. “If it does not happen, maybe it will happen later,” Trump said on Tuesday (May 22) as he began talks with South Korean president Moon Jae-in at the White House

Update: Donald Trump leh Kim Jong Un te Singapore gamsung ah June 12 ni in kimuding

US President Donald Trump in Thursday ni in agenkhiatna ah North Korean leader Kim Jong Un tawh hongtungding June 12 ni in Singapore ah kaki mukhawmding uhhi ci’n genkhia taktakta hi. North Korea leh USA gamnih kikal abeisa in makaite hihbangin kimuhkhopna omngeinai hetlo ahih manin, hih makai 2 te ki muhkhopna pen amasa penpen “first ever summit” hiding kici hi.

Donald Trump in Twitter tungah agelhkhiatna ah Kim Jong Un tawh kaki muhkhopding uhpen Singapore gamsung ah hiding a, leitung daihna “World Peace” ading in hih kimuhkhopna pen athupi mahmah Special Moment khat hidinghi ci’n gelhkhia hi..

Hih makaipi 2 te kimuhkhopna hunsung ah akikup phadiakdingte ahihleh North Korea te ii Nuclear Weapons vai hiphadiak dinghi. Hih Nuclear vai hangin Washington leh Pyongyang kikal ah abeisa in kigakcipna tampi omkhin a, tuahangin Nuclear weapons development leh Testing Program vaitawh kisai kinakkup mahmahding uh kici hi. Sawltak #zomidaily

Donald Trump leh Kim Jong Un koi ah kimu khawmding?

US President Donald Trump leh North Korean leader Kim Jong Un te maitang kituahkhawm in ki muhkhopna neiding uh cihi. Tuabangin aki muhkhop nading munpen Media tuamtuam ah kigen kawikawi a, ahi zongin tua ki muhkhop nading “Historic Summit” pen gamnih lakah khatzawkzawk hiding kici hi.

Tua gamnih te lahah Washington inbel Singapore gamsung ah kimuhding lunggulhna neizaw uhhi. Singapore gampen Security lamsang ah muanhuai in, tuaban ah khuasung Modern Infrastructure ahih manin, Washington inbel Singapore gamsungah ki muhkhopding alunggulhzaw ahihi.

South Korean daily Joong-Ang Ilbo in agenkhiatna ah adang kimuhnading akigeel gamkhatpen ahihleh Mongolia gamsung ci uhhi.

Donald Trump leh Kim Jong Un te “Historic Summit” kimuhkhop hundingpen June kha kipatlam in kigeelkhin cihi.

Singapore’s The Straits Times te genna ah Singapore gamsungpen gamtuamtuam tawh kizopna “Diplomatic Relations” ahoih banah amuanhuai Safe & Secure gamkhat ahih mannin, alempenpen hidinghi ci’n genkhia cihi.

Kim Jong Un inbel Donald Trump tawh kimuhkhop nadingin North Korea gam ii khuapi ahi Pyongyang City mah lunggulhpen ci a, ahi zongin Mongolia gamah kimuhdingzong phamawh salo in angaihsut laitak cihi.

Mongolia gampen US leh North Korea gamnih tawh akilem bekthamlo in, Kim Jong Un zong amagam panin Bulletproof Train kici thautang apailetlo meileng tawh paiziau theiding ahih manin lemtangpen kici hi.

Singapore gamsung ahihleh North Korea panin ki gamla simtham a, North Korea makaipipa in Singapore pek zuanin Donald Trump tawh kimuding in akuankhia ngammawkdiam, agam anusia ngammawkdiam kici hi.

US inbel Mongolia gamsungpen lemtak saphalo uhhi. Mongolia gam ii khuapi ahi Ulaanbaatar City sungah khuasung Infrastructure kicinglo ahih manin, alunggulh masalo uh ahihi.

Donald Trump leh Kim Jong Un tepen Pyongyang’s Nuclear Programme vaituamtuam tawh maitang kituah in aki mukhawmding uh hi a, aki muhkhop nading agampen tukalsung in kitheician khadingin ki lamen hi.

More: South Korea gamsung aom zato khat meikang in mi 41 si, 70 liam

Khatlekhat aki itpetmah khollo, abeisa in aki galneih vilvel, aki hawksansan gammakaipi 2 te maitang kituah in hongki mutakpi mawkleh bangthu hongpiangdiam? Aki lemhetlo, aki galneih vilvel tezong maitang kituah in kimuhsawm uh ahihleh, Zomi citciat banghang maitang kituah in kimukhawm ngamlo a, Online tungtawn in kitawngtawng ahitam? Sawltak #zomidaily