Thuthak Tomkimcing 20 Nov 2014
A. Zogam pan Ngalsa, Sakhi sate tawilang te Kyats 5000/
Zogam pan gamsa ahi Ngalsa, Sakhi sa cih te Tahan -Kalay ah kideih mahmah a, Amul kiatloh in kizuak thei zelzel hi. Amul kila khia, kikiat leh Bangsa cih kitheilo ahihi. Tulaitak in Ngalsa leh Sakhi sa te tawikhat tulsawm man in Zolia te’n zuak suk thei zelzel uh hi. Khuakhal ta hih man in Sabeng nuam te ading in nitak gamvak uk te’n khua hun nuam mahmah ta cihi.
B. Zofa Global Unity Khawmpi ah Palik tam
Zofa Global Unity khawmpi Rih ah nasia tak in kibawl hunlaitak hi a Mizoram pan in Mualkawi leh Zokhuathar kikal teng ah India Police te tam tak Duty uh hi. Mizo lamte in zu duh theih mahmah ahi man zuzuak Kawlgam lam te’n kikhawng mahmah cihi. Champhai pan in Khawmpi sim te kileh uh ahih man in Zu kipuaktoh ding police in check den cih kiza hi.
C. Zolai Tongdot bu Kileithei tading.
Minam khat in adin sawm Zomi te ading in akul leh aki tangsam ahi minam Lai neih na thu Pu Kam Lian in U Khine tungah agen khiatna leh Zomi Forum pan minam khat ading Minam lai neihloh pha mawh ahih na thu Zomi mipil miciim te in gen khiatna aneih ban ah’ Leitung ah Zomi nam te in ilah khiat ding,Lai minam lai thei kei ta leng nei ung cih theih ding in, Minam lai akemcing Laipian biakna pan in Laipian Siamsin khangno te in malkhat Kamkhat leh Malngawm Lai mal te Leitung minam tuamtuam tetung ah lah khiat ding Zomi nam lai Zolai tongdot bu hong bawl khia ta uh hi. Tu in asawtlo in Tedim khuapi Laipian zum leh ZDF zumte ah kileithei ding cih kiza hi. Bukhat bangzah cih hong theisak nalo hi.
D. Gangaw- Hakha Mawtaw kibungh.
Palee pan Gangawm Hakha azinto ding Misubishi 9A/ 5228 Pa Thawng Pui in 18 Nov2014 zinglam daak 11 ahawl amai lam pei kitam in awntaal a, hawknguam sung kidesn suk kibungh hi. Atua mun ah Mawtaw Thawng Pui leh anungzui A Muan si pah uh cihi. Amun ah Gangaw Palik te’n vadelh uh hi. Hau Thang
Comment piaknop aomleh...