Trump in IS te ni 30 sung abeisak nading in Executive Order suaikai

Trump in IS te ni 30 sung abeisak nading in Executive Order suaikai

Jan. 29, 2017: US President Donald Trump in zan in Pentagon in ni 30 sungin ISte a kizawh theihna ding na geelna uh hong pia un ci-in US galphualpi Pentagon kiangah thupia in executive order suai na kai ta hi.

Tua dingin President Donald Trump in joined by Chief of Staff Reince Priebus, Vice President Mike Pence, National Security Advisor Michael Flynn, Communications Director Sean Spicer and senior advisor Steve Bannon Oval Office, White House a kimuhpih a, tua mun panin zan in Russian President Vladimir hopih pah uh hi. Putin leh Trump in ISte zawh khiat siangna dingin US-Russia a pan’khawm ding kisam hi cih thukimna na nei uh hi.

Trump in, “IS-te ni 30 sungin a kizawhna theihna dingin ka Administration in geelna kician a neihna dingun thu ka pia a, tua dingin kuate tawh kipawl leng zawh ding baih pen ding hiam cih hong genna dingun geelna kician a neihna dingun thu ka pia hi,” ci hi.

More: US Federal Judge te’n Trump in gambeel te dalna dingin Executive Order asuaikaih uh dal

Trump in a vote zong lai pekin IS-te kha khat sungin beisak ding hi cih na tangkopih a, US in galvan a hoih neih mahmah hangin IS-te dona dingin zang lo hi na ci hi. President dingin a kiciamni in zong Trump in leitung panin Islamic ngongtatte beisak ding hi na ci hi.

Behlapna:

Trump in ni 30 sung bekin ISte beisak ding hi a cih pen a um zo lo a tam hangin military experts ten zong US in ISte sim huh den loin do taktak leh kha khat sungin beisak zo ding hi na ci uh hi. Source : Sputnik/ Thang Khan Lian