Traffic Flow alehzuih numei Driver khat mawtawdangtawh ki maiphutkha in si

Traffic Flow alehzuih numei Driver khat mawtawdangtawh ki maiphutkha in si

Malaysia, Johor State sungah numei khatin mawtaw Traffic Flow azuihloh nading lamsangah lehhawlkha ahih manin, adang mawtaw khattawh kiphukha cihi. Jalan Johor Baru – Mersing lamzikpi tungah Saturday zingsangin mawtawnih aki maiphutkhak hi a, numei mawtawhawl pen sipah hi.

Numeinu mawtawzat pen Proton Wira hi a, aki maiphutkhakpih mawtawpen Proton Persona ahihi.

Tua numei mawtawhawlnu pen amin Sim Lee Peng kici a, kum 36 aphakhin khat ahihi. Hihnu pen Kota Tinggi, Kampung Gembut ah ateengkhat hi a, mawtaw akiphutkhakna aphual ah liamgawp in sisuakpah hi.

Aki phutkhakpih adang mawtawhal pen Fred Anak Edin kici a, tuapa zong liamgawp ahih manin, Kota Tinggi Hospital ah kipuakpah hi ci’n Kota Tinggi district police chief Supt Ahsmon Bajah in genkhia hi.

Saturday zingsanglam 8:45am hunpawl in numeinu in Johor Baru lamsang zuanin Traffic Flow leihzuihkha ahih manin, mawtaw adangkhat tawh aki maiphutkhak ahihi.

More: Thai, Nonthaburi ah mawtaw tuahsia, Myanmar gammi 3 si, adang mi 6 liam

Hih tuahsiatna vaitawh kisai in Kota Tinggi District Police te’n “Section 41(1) of the Road Transport Act 1987” thukhun tawh kizui in kancianna neiding uh cih kiza hi. Sawltak #zomidaily