Topic: Jesuh anei mite khang tangthu kikheel (Christmas Message)

Topic: Jesuh anei mite khang tangthu kikheel (Christmas Message)

Text: Matt. 2:10-12, 4:18-25, Luke 1: 79-80
Place: Pinlong Baptist Church

Thupatna
– Jesuh anei mite nuntakna kikheelin khang tangthu zong kikheel hi. Nidangin miginalo innkuan pen Jesuh hangin migina innkuan hita hi. Nidangin ‘Lutang zong phula minam Zomite pen tu-in Head Hunting to Soul Hunting – Lu zongte Kha mangthang Man, Pasian nei minam liante ihita hi. Mikangte zong nidangin Cowboy kici tualthatte hi a, tu-in Jesuh Khazih akhang tangthu kikheelin Leitungbup mission sem minam – ahaupen akhangtopen apilpen pilna sangpen kisinna Sanghoihpen 50 omna gam, leitungbup mite utna gam suak hi. Tuni ei Zomite zong Sangsia Sia Shwe Zan tungtawnin Pu Pau Suan leh Pu Thuam Hang(Khuasak), 1904 kumin Dawibia sunga hawlkhiat athuakte akipampaih mite in Jesuh Khazih sangin Christian suak uh a, amau nuntakna bek hilo, Zomibup khang tangthu kikheel a Pasian kammal thukham anei, Ngeina kician anei minam lian ihita hi (Deut.4:7-8).

LST Sung Mite :
– Lai Siangtho sunga Pasian nei – Jesuh amu mite nuntakna leh khang tangthu kikheelna enpak dih ni –

1 Jesuh Thu aza Johan Lungdamna
* Elizabeth – Johan nu kiang ah Jesuhnu’ Mary ahawh ciangin Ahong pai Jesuh hangin Johan anu gilsung ah nuamin diang hi. * December 24 nitakin ka inn ah Jesuh vaimuakna hun ka bawl uh leh ka tapa kha 5 apha pan pen ‘Jesuh Suah Lungdamna’ la ka sak uh ciangin nuamin diang ziahziah a ka tapa lungdamin adian amu ko anu apa innkuanpihte zong lungdamin ka lam ziahziah uhi. Naupangno bangmah theilo nangawn Jesuh thu azak ciangin lungdamin diang ahih leh, ei apicingsate nuamin diangin lamin Jesuh pahtawi ding ahi hi.

2 Mary Leh Josep Khang tangthu Kikheel
* Mary – upna tawh Jesuh piannanu suak a,
* Josep – Pasian hopihna umin Jesuh ahut manin Jesuh akem PAHOIH ciin atangthu kikheel
* KST leh Pasian hopih makaihna ahun akisao zuinin ngah hi

3 Jesuh tawh Akimu Mipilte Lampitot Kikheel
* Pilna tawh Jesuh zongte in aksi zuisuak leh amu ding kimlai, pilna leh cilesa suangin kumpi Herod kiang paikha uh a, leitung ah naupang tualthahna anasiapen tungsak hi
* Mipilte in Aksi zuuin apaikik ciangin Jesuh tawh kimu a, alampi totsa tawnkik nawnloin lamdang tawnin ciah a, amau leh Jesuh nuntakna huzo uhi.
* lampi totsa ahoihlote nusia-in lamthak lampidang Jesuh lampi tawnin Padian kiang ciahkik ni

4 Tuucingte Kiang ah Lungdamna Kigen masa
* Pilna neilo, sum neilote kiang ah lungdamna thu kigen hi
* Mipil Pasian theilote zumsak dingin mihaite ka teel hi ciin LST sung ah kimu hi.
* Pasian in pilna sinlo ngabengte miman suaksak hi

5 Pilna Anei Paul leh Moses Khang Tangthu Kikheel
* Paul – Judah mi, LST Siapi Gamaliel kiang ah LST bu leh athu khempeuh asinpa zang nuamin Damascus lamlai ah tuuksakin manin anasem dingin sam a, apilna tawh Pasian thu tangkoin laigelh a, LST bu atam gelhpen asuak hi. Christiante abawlsia mithatpa pen Jesuh agum Christiante Pa asuak hi.
* Moses – Egypt pilna khempeuh asin azo Moses pen apilna asiamna zang nuamin alamdabf sawkbawkkuang ah KST tawh dimin azat ciangin Israel Honkhiapa – LST bu masa 5 thukham 615 agelhpa tawh akhang tangthu kikhel hi.
* David – Tuucing David in Pasian phatphat ahih manin kumpi, mipil, laphuak siampa, Padian lungtuak tapa ngah hi
* Elisha – Bawng kap 12 tawh lo akho theipa kamsang dingin khel hi
* Dr Luke in Jesuh amuh ciangin akicingpen LST Luke leh Acts laibu gelh hi

6 Eite khang tangthu zong Jesuh hangin kikheel thei hi – tuni Jesuh sang ni.

* Jesuh tawh kimute
– lungdam
– natna namkim pam damna ngah hi
– pilna neilote kha pilna pia a, akhang tangthu kheelsak hi

* Ihihna tawh kizuiin Pasian in hong samin ama nasem dingin hong zangnuam hi
– pilna neite apilna zang hi
– sumbawlte, sum neite (Dorcas puanzuak, John Mark sumbawl, – Matthew Siahdong kumpi nasem
– Peter ngabengte
– lokho Elisha

Thutawpna:
– Tuni Jesuh suah ni pawi abawl ihi hi. Jesuh suah ni tawh buailoin hong suak a, eite hong gum hi cih up ding ahi hi
– Ei hihna bangbang hong sanga, isiamna ipilna zangnuam tawntung hi
– Akisap hunin ihihna isiam ipilna khengvalin KST vangliatna tawh atuam alamdang nasepna hong pia hi
– Tuni a’um mite khang tangthu kikheel ding hi
– Alui inuntakna bang ahilo, NOPSAKNA LAMPI ah kong kha ding hi aci Jesuh hong kamciam umin akalsuan ngamte nuntakna kikhel hi
– Tuni ki-ap in. Na khang tangthu kikhel ding hi. Khang tangthu akhel nuamte tuni ahongsuak Jesuh honpa gumpa dingin sang ciat ni.