Tonzang kikapna vai Update

Tonzang kikapna vai Update

Akuan lamte mi 10 val saikel tawh Tungtuang lam pan in Sitpyan Lampi zui in pai uh hi. Asaikelte uh Sahang Muallui (Pu Tuang Cin te’ phaitam Lui) ah nusia uh hi. Tua pan in khetawh paiphei uh a kikhen uh hi. Zingsang nai 4:00 satkhit lian in kikapna kipan hi. Aki kapma deuh un guah phin nelhnelh se ahih man in agamla pan limtak in ki entheilo hi

Kadang tualpi pan agal kap pawl leh Tuiphum biakinn khang a Buhsih Mangpi te’ inn lampan agal kapsuk pawl om uh hi

Sangcing palik leh galkap te’n zong na thukkik pah ziahziah uh hi. Akikapna uh athemlengte zatopi dong ah tungphei zo hi

Nai lang val akikap khit ciang un ciahkik uh a “Ka thau suak thei mahmah kei veh aw” acikawmkawm zong om uh hi. Asi aliam bel alang alang ah kuamah omlo hi. Sangnaupangte’ laivuan man madeuh a ava kap uh ahi hi

Tan 10 laivuanna zong tukha bei ciang in kipan ding hi. Tonzang leh Cikha ah tan 10 laivuan ding mi tam mahmah hi. Laivuan ding in Kalay leh Tedim pan mi tampi kuanto hi. Tukum kawlgam bup ah tan 10 laivuan ding mi 300,000 val om hi. Mung Laan Thang (Yangon)

Breaking News

Tuzing nai 4:00 am to 5:00 am kikal sung Tonzang sangpi ah thau ging ziahziah hi. Zingciang tan 9 te exam aman ta lian ding uh hi a, tualap in thau aging ahi hi. Palik galkap sanginn cingte asi aliam bang zah om uh hiam cih kithei nailo hi.

More: Tuni Tonzang leh Zogam ah ~ Pu Thangboi

Chin state ah tukum sang nuamtak a akihon theihna Paletwa gam leh Tonzang gam bek om hi. Covid hang leh gal vai tawh sang kikhak zawh kum 2 pha khinta hi. Thupuak, Mung Laan Thang (Yangon)