Zomite Mipi tawh kisai nasepna ah ~ Pau Khat Suan

Zomite Mipi tawh kisai nasepna ah ~ Pau Khat Suan

Lunggulhna bel gen theihciat hi a, Minam leh Gamvai mipi tawh kisai thu ahih ciang ngaihsutna leh deihna a kibang om vencin, a kibanglo zong omve, i cihtheih ding thupi masa hi.

Mipi kalsuanna ding ahih leh mipi lamlak ding khuavak taan’ kul vencin, mimal kalsuanna ding ahih leh lah mipi tawh kisai lo suakve.. cih zong i tel gige ding deihhuai hi.

I geel, i tup, i sep i bawl khempeuh ah bel a huamna ciangciang in a tot ding lampi (a roadmap) kithei nuam ciat ding a, i kungmui a kibang tazong in i totnop lampi nangawn kibang lo thei lai khading hi.

Kungmui kibang khat tunna ding totnop lampi, a kibang lo a om zahzah pen gualzawh matut theihna ding chance in ngaihsun pah hilehang a, “kei/ko makaih zia bek”… cihdan lungsim tawh pang kenkan ciat kha hetkei lehang hoih ding hi.

“Kei/Ko deihdan bek lampi man, tua bek tawh… ” i cih leh, a kibang lo khempeuh bek hilo in, tua a kei/ko maban nangawn in puklawh zawding ahi hi.

I maban khempeuh ah “Unity in diversity” upna tawh “uniting diverse strenghts” i siam ding lunggulh hang ei. Pau Khat Suan

Japante Zomi hilo-phadawm

Japan mawtaw bawl company pawlkhat, Toyota, Honda, Nissan cihte in abawl uh mawtawte min tuamtuam pia uh a…

• Toyota – Corolla, Hilux, Camry, Crown, Publica, Town Ace,…. etc.. etc.
• Nissan – Sunny, Sylphy, Latio, ….etc. etc.
• Honda – Odyssey, Civic, shuttle, Stream, Vezel, …. etc. etc.

A company min lobuang Japan min om mahmah lo. Japan mipi in zong mawhsak sese lo.

Zomite’n amau bawl dan a a bawlthei hizen le’ng, bang minteng i phuak zen tam? Mawtaw min khempeuh “Zo” tawh kipan zen vencin mate… bang in a zui ngeingai tam?

“Zo” paa kha kei in, Zomin hikei leh mipi bangzah in a phun zen tam?

Japante Zomi nahi khalo bilbel in a phadawm hi. Thei le uh Zomi ahih khakloh uh angtang zawzen vial ding uh kacih teh ka heh bang suak zawzen. Pau Khat Suan