Tonzang in cidamna lamsang nasepna ah asiampen ngah

Tonzang in cidamna lamsang nasepna ah asiampen ngah

Gambup Cidamna lam Nasepna ah Tonzang gamhuam in Zogam sungpan a Siampen pahtawina ngah

April 7, 2018 :: Union of Myanmar gam, gamkee te ah Cidamna lam nasepna dung zui in a siampen (excellentest award) gamhuamte telna ah Zogam sung panin Tonzang gamhuam in “A siampen pahtawina” ngah hi cih thu kithei hi.

Hih pahtawina pen “Medical care, public health, mipi lungkimna leh sum zek zia” cih hih thugui 4 tungtawn in ki en in akitel ahi hi” ci’n Tonzang gamhuam Zato Mangpi Dr Thang Sian Khai in Zingsol ah hong gen hi. Hih pahtawina pen gambup sungah khua 17 kipia a, Zogam pan Tonzang in a ngah ahi hi” ci’n hong gen beh hi.

Pahtawina pen Leitungbup Cidamna Ni tawh kituak in tuni in Naypyidaw ah akipia ahi hi.

More: Tonzang ah tualvak habot te kiang habotna hangin mikhat in sihlawh

Tonzang gamhuam sungah tulaitak in cidamna lam nasem mi 99 in asep laitak uh ahi hi. Thupuak : Dr Nang Khan Lian (Tonzang Zato)/ Zingsol