Thuthak Tomkimcing 20 July 2014

Thuthak Tomkimcing 20 July 2014

A. Mualtung mi galhiam tawi te a(3)veina Khawmpi kipan ding.

Myanmar gamsung NCCT nuai ah Federal tawh ki ukna alungdeih ngaungau Singtaang Mualtungmi galhiam tawi kipawlna tuamtuam te tukha July 24-26 sung Laiza huapi ah khawmpi kimuh khopna nei ding in kipan pha mahmah uhhi. Amasa hun Laiza mah hi in, anih veina pen Lawkeelar hi in, athumvei na Laiza mah ah nei ding uh hi. Kawl gambup kikap loh ding tualgal daihna ding kikum ding uh hi uh a, Singtang galhiam tawi te in kikhawl ta leh Kawlgalkap in buluh zelzel na nei den lai hi. Tutung in DKBA zong kihel ding cih kizahi. Tusungteng in zong TNLA leh Kawlgalkap kido niloh hi.

B. Kalaymyo kiim ah mitnat leh Sungpai natna tam mahmah.

Tulai tak in Kalaymyo khuapi leh kiim le paam teng ah mitnat leh Sungpai natna om hi. Tua man in tuisiang huan minsa bek dawn ding, Mehteh mehgah , Theipuam Haaimin tam mahmah ahih man in sawpsianglo pi in nelo ding cih thu om hi. Siamsin sang naupang te tungah om pha diak cihi.
Sangnaupang te in theimin haaimin te sawploh pi in pumpeh in nepahpah ban ah mitna kitam mahmah cihi.

* Behlapna .Mitna pen akipat lian in khuaipi zu nitak nalupding teh anih tuak in malno themcik tak in. Namit sipmahmah dinghi. Minute khatsung in na mittang hei kawikawi in azingsang teh dam ding hiteh..

C. Tedim Khua mite ihmumu

India Mizoram sung ah alut ding Monywa , Mandaly, Muse pan in Company te in Thuk hun, Phalbi,hun Khuakhal hun’kum kibenglet in van nawnawn in Kalay pan Tedim nawk in Ciau kiden na ziahziah hi. Lampi hoih nailo ahihhang in Tedim te ihmut kikal in mawtaw tampi in Laitui kikheng ziauziau ta hi cih sumbawl te tungpan kiza hi. Tedim khuapi ah’ Mandaly,Muse pan van apai te tawlngak na anuam Ansai Niangtui sai kician Sen an Kawl an, Mivom mikang an leh aduh theih annam te omlo cihi. Hotel kician omlo cihi.

Tua man in Kalay pan an kine in Tedim kinawksuak in Ciau kiden na uh hi. Tedim te ihmumu uhi. cihsan hi. India vanhoihnono ihdeih te Mizo pau siam loh tawh Tedim pan Shopingmall, Store golpipi om leh Tedim te in kawlpau vs Mizo theisam ding uh ahih teh India paikul loh in Tedim pan India van Mandaly, Muse ah zuak ding nakoih khol leh nuam tuam mahmah ding mihau sumbawl te’n cihsan hi.

D. Zomi numei laigelh leh laibu bawl kitawm mahmah’

Zomi sungah numei te kumzalom 21 ah mazangtak in pilna hongsang kah mahmah tampi om hi. Ahihhang in Numei vai in cidamna, kizep kipuahna, Innkuan sung nuntakna lam ah siamzia, Gambup minam bup numei makai ding in akipan khia leh Online pan kipan laibu gelhna tuamtuam ah Zomi numei te kua mah madawk naihet lo kicihi. Leitungbup Zomi nam ah i kalsuan hun in minam a picing sak ding numei te pilna asang tampi ki om ahih hang in innkuan mehbawl siamzia leh zin leh lengla dosiamzia bek ah ki makaih na leh ki hilhna laigelh tawm mahmah lai hi kicihi. Hau Thang