Thuthak tomkim ~ The Tedim Post (28 Aug)

News In Brief: Thuthak tomkim ~ The Tedim Post (28 Aug)

Evan Larboih in kum cinglo naupang 2 abuanna hang tawh thukhen zum in Kum 43 thong kiat ding pan Kum 17 ah khiam suk ahihman in Dingdi Numei Kipawlna in August 26, 2020 ni-in deihloh lungphona Kawlpi ah nei uh hi.

Rakhine State, Sittwe Khuapi ah COVID-19 natna nei mipi a tamluatna hangin kumpi lam pan in zum nasepna ah 50% bek semta ding hi, cih Rakhine State kumpi in August 25, 2020 in tangko uh hi.

2020 kiteelpi ah Party dang tuamtuam pan leh mimal(individual) a dem ding Party members khempeuh party pan khawlsakna nei uh hi, ci-in NLD party in August 26, 2020 ni-in tangko uh hi.

August 19-21, 2020 sung Nay Pyi Taw akibawl a 4 veina Panlong khawmpi a Gambup thukimna pen August 26, 2020 ni-in Pyidaungsu Hluttaw ah kipsakna nei uh hi. 2015-2020 kumpi hun sungin gambup thukimna 71 kinei thei hi.

2020 kiteelpi ading mee sazian pen a 2 veina pen September 20, 2020 ni-in kisuang kik ding hi, ci-in Yangon Division a thunei ahi U Kyi Myint in gen hi.

Rakhine State ah COVID-19 natna nasiat kik luatna hangin Rakhine State a om mipite khempeuh Stay at Home ding, ci-in Cidamna lam thunei ten August 26, 2020 ni-in tangko uh hi.

More: Zogam Politics khuahun

August 28, 2020 ni Leitung bupah Covid-19 natna ngah Tein 240 val(24,242,062), asi Tein 8 val (827,527) leh adam kik Tein 150 val (15,839,685) phata hi. Source : 7day news, , RFA, Eleven Media, The Myanmar Times. Thukai khawm : Lia Lu Lun, Lia Shang Shang.