Thupha leh Daan

Thupha leh Daan

Pasian, Jehovah, ompihna pen i leitung nuntakna mahmah ah Thupha, Bitna, Daihna lungmuanna, Lawhcin daupaina, na khempeuh kicinna ahi hi. Pasian in tuate khempeuh amah a bia, ama’ min tawh kilo, a mite’ tung ah AMA’ MIN A THAN’NA DING a apiak ahi hi.

Tua Jehovah Pasian ompihna i zatkhialh khak leh thupha namkimte’ langkhat a DAAN piakna zong lauhuai mahmah hi. Job in Pasian’ kiang pan apha i ngah bang in asia zong ngah ding (ngah thei) cih na gen hi. Pasian mahmah in, ama’ zia le tong i theih ding a deihna a ong genna, a mong them ong lahna hiding in ka ngaihsun hi.

Philistine te kiang ah Thukham Singkuang a tun ciang, amau Jehovah Pasian biate hilo ahihman in, a Dagon nusian uh satpai in amite’n meimatum vei lawh uh hi. Silo uh hi.

Israel gam a tunkik ciang, Jehovah Pasian a thei leh a bia minam ahihman in, tua Thukham Singkuang hang in mi tampi in sihlawh uh hi.

Jehovah Pasian a bia mite in, Pasian’ aituam angvan a ngah mahbang in, aituam daanpiak zong thuak thei uh hi. Thupha bekbek gengen a, huai pupup huailo hi. Positive i gen bang in, negative zong i kihilh ding kisam hi.

Biakna siate’n thuman tangtak dinpih ding nong hanciam kei uh leh note’ thugen leh makaihna tung ah i mipi kinga ahihman in, i gam leh i mi i sa ading patauh huai mahmah hi. Pau Khat Suan

Mawhna pulak ding kisam

Ei le ei (nang le nang) dik kisa in, na khialhna nangawn thei gige, selcip ding hanciamna tawh na kitangsak tawm (justify) ngei hiam?
Pasian in mawhna ei le ei justify ding sang, i mawhma pulak a mawhmaina nget ding deihzaw thamtham hi. Pasian’ lungtang a tuak Kumpi David nangawn in hihbang in ci hi…

Late 32:1-5
1 Ama khialhna kimaisak a, ama mawhna a kituamcipsak pa in thupha ngah mi ahi hi.
2 Topa in mawhna a khuksak loh mi, a lungsim-ah khemna a om lo mi in thupha ngah ahi hi.
3 Ka mawhna ka pulak loh ciangin, sunthapai-a ka tautauna hangin ka pumpi a tha neem hi.
4 Sun leh zan tawntung ka tungah na khut gik hi; khuakhal nisa bangin ka thahatna a keu hi.
5 Ka khialhna na tungah kong pulak a, ka mawhna ka im kei hi; “Ka khialhnate Topa tungah ka pulak ding hi,” ka ci hi; tua ciangin ka mawhna nin nong maisak hi. (Kumpi David) Pau Khat Suan