Cimphawng simding ~ Tg. Duhhawp & Tg. Haza

Khat vei lai in, Khualzin mihaupa khat in, akhual zinna ah,
tangval nih tawh hong tonkhawm uhhi.
Tua tangval khatpa’ min pen Tg. Duhhawp(Greed) hia,
adang khatpa pen Tg. Haza(Jealous) ahi hi.

A kikhen kuan uh ciangin, tangval nihte kiangah Mihau pan:
“Ih kikhen main letsong khat tuak kong pia nuam hi,
Na deihkhat uh apulak masa zawzaw in tua adeihna bang lianin piang dinga,
anihna pa’n a zahnih ngah ding hi,” ci-in kamciam pia hi.

Tangval tegel zong agen masa ding kituh lozaw in, (azah nih ngah nuam ahih manin)
anunung nuam kingak in apaipai uh leh, kikhen nading lamka hong tung dektak ta uhhi.
Tua leh Tg. Duhhawp in a lawmpa Tg. Haza thakhat thuin a gawl pan manin,
“Manlang in gen” ci-in hong hahsawl hi.

Tua leh Tg. Haza zong nuve pave piantuakkei veh e, acih kawm in
“Ka mittang tangkhat taw hen” ci a, acih bang lian in, a mittang tangkhat taw takpi a,
tua laitak lian mah in a lawmpa Tg. Duhhawp aa zong alangnih in taw pah lian hi.

Duhhawp huaihamna leh Hazatna in supna tampi piang sak hi.
*(Mawhna bulpi nam 7 lahah kihel hi.)
Zomite paunak : “Akta duhgawl kilawh khup”

Akai khawm
Fr. Khuppi
Manila