USA New York khuasung Bomb sukhampa kimanta
USA New York khuapi sungah Bomb sukhampa in aki ummawh pen ki mankhiazota cih BBC News pan kizasawn hi. Tuapa minpen Ahmad Khan Rahami kici minneikhat hi a, Linden, New Jersey ah Police Officer khat akapkhit ciangin akiman cihi.
Hih Ahmad Khan Rahami papen TV sungah Video Footage aki khahkhiatna ah liam ahih manin taal (Stretcher) tawh kipua, kizang in Ambulance tungah kipuato cihi.
Hihpa kimatna Linden khuapen Elizabeth City tawh ii South-west lam ah aom hi a, tuamun ahzong Sunday ni in apuakkhamthei van pawlkhat ki mukhia cihi.
Hih akimanpa pen kum 28 phakhinpan hi. US Citizen hi a, ahi zongin Afghan gamah asuakkhat ahihi. FBI te genkhiatna ah nung Saturday ni New York, Manhattan ah Bomb puakkhampen hihpa ki ummawh ci uhhi. Tua Bomb puakkhamna hangin mi 29 takin liamlawh uhhi.
Elizabeth khua ah aom ama innsungteng zong Officers te’n hoihtak sitcianna neikhin uhhi.
Nung Saturday nimah inzong New Jersey ah Pipe Bomb puakkham a, aliambel kuamah omlo bilbel hi. Charity Race ci’n taikidemna akipatmadeuh in apuakkham ahihi.
Nungsungteng US gamsung ah buaina tuamtuam kizom toto hi. President Barack Obama in New York ah athugenna ah Saturday ni New Jersey leh New York khuasung a Bomb puakkhamte pen kizopna omloding in Officials te’n ummawh uh cihi.
Tuaban ah Saturday nimah in Minnesota ah temta tawh kidawtna piangsawnsawn a, mi 9 tak liam cihzong kiza hi. Tua temta tawh adawtpa pen Somali minamte hi a, kum 22 gualpawl ahihi. ZD Sawltak #zomidaily
Comment piaknop aomleh...