Thungen ni ~ LST: John 16:24

U le Nau,
June 29, 2016 ni a Blk 126A, Kim Tian Road #09-505 a “Singapore Zomi Numeite Thunget Kikhopna ” a Tedim pan ong zin pak Rev. Thang Cin Mang’ hanthotna “THUNGEN NI” , hoihsa leh theihhuai, phawkhuai, thangah huai sa kahihman in, asim kha khat le nih in kilamthakna apian’ khak leh cihna tawh ong khakkhia kik ing.

“THUNGEN NI”

LST: John 16:24
” Keima min suang in bangmah na ngen naikei uh hi….. Ngen le uh cin ong kipia ding ahihman in na lungdamna uh ong kicing ding hi”…..

Pasian’ mizat …. kuate ahi hiam?
Pasian’ maipha angah … kua ahi hiam?
Pasian’ lawm…. kua ahi hiam?
Pasian’ lungsim atuak…. kuate ahi hiam?

A tunna peuhpeuh ah biakna tau lam in biakna pia, thu a ngen … Abraham … Pasian’ lawm ( Pasian’ zawlpa )

A genhak mahmah, a nuak-hat, a phun-hat Israel mi tul za tampite makaih in, tua a mipite’ mawhsakna, langbawlna, genhakna khempeuh mipi tung ah thukkik hetlo a Pasian’ kiang ah thungetna tawh a tun den Moses… Pasian tawh a kinai pen, hun tam a zangkhawm pen, Pasian’ vangliatna tam a zeekkhia pen… thungen a Pasian tawh a kiho den Moses…

A khang a khang a a kipden bek thamlo, ong paiding kum tul man’na dong a a kumpi gam/ khanggui min a kip paisuak, Pasian’ tapa Zeisu takpi ama’ mintawh a kilo… Thungetna la tampi leh a dawng saupenpen ( Late 119 ) aphuak, thu a ngen den Kumpi David…

Pasian’ lungsim atuak, tucing kumpi, Kumpi David..

Pasian’ mizat i cihte …
LST tampi a theite zang mah..
Thugen siamte zang mah…
Lasa siamte zang mah…
Piakkhiat hatte zang mah…

Ahih hang… Pasian in ama’ gam leh ama’ Min ading a a-mi zat taktak pen “thungen a Pasian tawh a kiho dente” na hi zaw gige hi.

Topa Zeisu in a nungzuite ..
Pilna hilh kei..
Siamna zong hilh kei…
Piakkhiatna zong hilh kei…
Thugen siamna ding in thugendan zong hilh kei…

” Thungetdan bek hilh hi “…

THUNGEN NI

pks
Singapore