Thukhen siampa Sia Pum Nang ~ Lengtong Pauno

Thukhen siampa Sia Pum Nang ~ Lengtong Pauno

2000, ma hunlai in, Sia Pum Nang tawh Gospel kapaikhawm uhi. Ko’ pai ma in, tua khua ah UPC Siate na pai uh ahihmanin, pawlpimi sehthumsuah sehkhat bang Zeisu minin tui naki phum uhi.

Ko tenihzong, Zeisu min a tui aki phum satengin hong langpankeei uhi. Aki phumnailo tenginlah ko’ lam hong pang uhi.

Amauteng kitawngkeei kiseelkeei mawk, bangmah thulela kigen theilo,vaikihawm theilo ahihmanin, Sia Pum Nangin avekpi in khawmin, atutsak diimdiam khitciangin, thugen a,…

Noteng, kuamah kisia kei un. Na vekpi un, Pasianin hong it hi.

Pa, Tapa, Kha siangtho mintawh tui naki phum un, aci pen Mate hi.

Zeisu minin naki tuiphum un, aci pen, Pitazuh hi.

Lai siangtho sungah, Vantung kongvang 12. om hi, kici a, nungzui 12. in kongvang khat tek cingding hi, kici ahihmanin,…

Pa, Tapa, Kha siangtho mintawh tui kiphumte, Mate cin’na kongvangah lut unla,…

Zeisu min tawh tui kiphumteng, Pitazuh cin’na kongvangah lut un. Kuamah kitawng kiseel sese nawnkei un, aci hi. Ka lungdam, Munkhai’pa

LUNGTANG VITAMIN 7

1. Mi lungsimpha, na teen’pih leh, na nisimin, Valentine’s day.
2. Mi lungsimsia, na teen’pih leh, na nisimin, Martar’s day.
3. A thadahmi, na teen’pih leh, na nisimin, Labour’s day(May day).
4. Mipil mihau, na teen’pih leh, na nisimin, Newyear’s day.
5. Api’cinglomi, na teen’pih leh, na nisimin, Children’s day.
6. Azuautheimi, na teen’pih leh, na nisimin, Aprilfool day.
7. Zi leh pasal, naneih masiah, na nisimin, Independent day.

NANG HONGTEL PENPEN IN…

* Hongtellote’ lakah, naki phatphat hangin,
* Mikhua dangte’ lakah, naki pilsak hangin,
* Minam dangte’ lakah, naki thupiitsak hangin,

Na hihna, na pilna, na thupiitna leh na- lohlohlohna hongtel penpen in, nazi leh na tate ahi hi.

Gam-uk kumpi’pa sang’in… angkawi zitawh, na kisiatding, lauhuaizaw hi.

Nathu nala navun nakhem athei atel, na angkawi ahi hi. Na zangmul phazah nangawn thei hi 🙂

Leitungmi billions 7.val lak ah, nazi leh natate thupi masa sakpen in. Tua in, nang’ma tunga Pasian lungkimna ahi hi. Ka lungdam, Munkhai’pa