Thuhilhkhial Syate gen theih zel thu 13

Thuhilhkhial Syate gen theih zel thu 13

1. Hotkhiatna pen hehpihna bek tawh kingah himah-a, ahi zongin i tan loh nadingin sepna tawh i kepcing kul hi.

2. Thungetna khat ngen suk pongpong lel inla, tua khit ciangin dik nasak bangin nungta lel in.

3. Thuakna, nopsak lohna, le zawnna cih khawng upna na neih loh man, na uplah man ahi hi.

4. A tawptawpna ah mi khempeuh Pasian in honkhia-in vantunggam lutsak mang khin lel ding hi. Universalism.

5. Jesuh pen kei adingin hoih mah-a ahi zongin nang adingin lampi dang, biakna dang (religious pluralism) zong kingah lel e. Biakna khempeuh Pasian’ kiang tunna lampi hi.

6. Pasian pen To thum gawm Pasian khat cih bang hi loin, To khat bek hi-in lampi Nam thum ahihkeileh mel nam thum tawh a gamta Pa, a sem Pa hizaw hi.

7. Pasian in nang ii hih theihna khengval-in piak hong nei ngei lo ding hi.

8. Hell i cih pen a kammal banga lak takpi ding hi pah lo hi. Gup ngah lo mite pen a beitummang ding hi-a tua pen hell a kici ahi hi. Hell takpi a om hi lo hi.

9. Lai Siangtho pen i up i saan ngam nazah ciangciang bek ah thu a nei thei bek ahi hi.

10. Khatveivei Pasian in na mimal-in hong hopih ngiat dinga tua daante pen Lai Siangtho tawh zong hong kituak khin khol lo ding hi.

11. Thukhun (စည်းမျဉ်း) le thukham (စည်းကမ်း) khauh tak-a zuihna mah pen Kha lam khantoh nadingin a kisam mahmah ahi hi.

12. Bang hiam khat na sep man (ahkl) bang hiam khat na sep loh manin na hotkhiatna kitan kik thei hi.

13. A kiletsawn Lai Siangtho (translated Bible) te lak pan hotkhiatna hong pia thei ding Lai Siangtho bu (version) khat bek om hi, cihte pawl.

Thuhilhna maan lo Syate ahih leh hih a tunga thuhilh khialhna (false teachings) – thu sawm-le-thu-thum daante hong zang zel ding uhi. Evan. Suangh Dal