Naupang tawh omkhawm nu le pa te zuihding thupi pawlkhat
* Naupangte man kumkhat in a tawmpen livei lak hamtang ding hoih hi.
* Naupangte i kikholhpih lawm le gualte thei aa, kantel ding kisam hi.
* Naupangte a maubek a kem omlo in lampi, motor sung khat peuh ah nusia ngei kei in.
* A sep a bawlnate vuah kipawl in seppih aa, ukbawl taibawl ngeilo ding hi.
* Naupangte in mikhat pepeuh tawh na kiho na kinaih ding hong deih kei leh ahang om cih thei inla kan tel pah in.
* Na theih ngeilohpi mikhat peuh in na tate hong meltheih bawl luat leh ahang kanpah inla theih sawm in.
* A omdan, gamtat, kampau leh ngeina kilaih na a omleh limphatak in encik inla a hangtheih sawm in, tawng in vau pah vamvam kei in.
* Lauhna, lungkim lohna tawh thu khat pepeuh hong gen ciangin haibawl, taibawl in ciamnuih bawl kei inla, hoihtak ngaihsak in tha pia in kantel in.
* Nang tawh a om loh hunciangin a sepding leh gamtat zia ding te hoih tak hilh in makai inla deihsak na takpi tawh pantah in.
* Sanginn pan in nu le pa a hih kei leh nu le pa in a gen te lobuang kuamah kidawn sak lo ding in naupangte leh siate gen in. Naupangte sangah a om kei leh phone sam pah dingin sangsiate thei sak in.
* A tawmpen A ma minpi, Inn nambat leh omna mun leh Nu le pa phone nambat loh ngah sak hamtang in.
* Lamngei phone set dan a kipan hand phone zatdan hoihtak hilh inla thei sak in.
* Nu le pa phalna lotawh kua ma inn ah mawk hawh loding in hilh inla, hawh theih nading inte zong theisak in.
* Vanzuakna sumbuk te ah na kimansuah uh leh kua mah zong selo aa, a naipen checkout counter a hih kei leh reception ah huhna ngen pah ding in hilh in.
* Inn pua ah van lei a hi aa, a hang khat pepeuh tawh ki mansuah pakna a om leh motor koihna ah a mah guak a pai loh nading in hilh inla, na van lei denna uh sai ah huhna ngen ding in a pai nading hilh in.
* Inn pua ah kimawl a hia, a vah laitak mikhat peuh in motor sungpan thu a dot leh neh peuh mah loh ding theisak in, naupang thudong tatak om khollo aa, kidop huai hi.
* Motor khawllai khat peuh sungah mi a om leh a ngeinai ah pai loding in hilh inla nu le pa phalna omlo in mite motor peuh mah tuan loh ding theisak in.
* Vakna khat peuh ah mikhat peuh in thu omlo pi in a zuihzuih leh meltheih a hia, inn vengte a hih kei leh sai sung, mitamna mun khat pepeuh ah lut pah ding in hilh inla, huhna ngen dingin hilh in, tua hilo aa, singkung liah, innliah peuh ah abuk loh nading in hoih tak in hilh in.
* Vai khat pepeuh hangtawh nu le pa in hong sawl hi ci’n mikhat peuh in motor tawh dawn a sawm leh nu le pa ngenna a omlo pi zuih peuh mah loh ding hilh in.
* Inn ah khat bek omlai tak in phone hong pai leh khat bek om ahih lam gen loh ding hilh in, hong call kik ve, ka nute man nailo a hi zongin a theih mahmahte lobuang nu le pa omna gen loh dingin hilh ding ahihi.
* Nu le pa a om kei leh kua mah kongkhak hon lohding leh kongkhak phone san loh ding hilh in. Tua bang aa, hong lut sawm teitei a om leh Emergency nambat sap pah ding leh a sap dan ding hilh in.
* A ma phalna leh thukimna omlo pi in khat pepeuh in nopmawk sak zah dongding in a khoih/lawn leh nial pah ding leh tua bang tawh akhawl kei leh awng maimai bek lo in ‘hong huh vo’ “HELP” ci a otding hoihtak hilh in.
Philipkhaipu
Na khempeuh a semthei Pasian a nei mi in lungneu kei ta hen.
(He who trusts in the Lord shall not be disappointed).
For so long our minds have rested
Blinded and unaware
We have been deceived by our own
Yet, from our slumber we shall arise
One by one, we awaken
That sleeping beast none could tame
Shall once again rule Zogam
Comment piaknop aomleh...