Theihhuai khutpi leh khutmelai

Theihhuai khutpi leh khutmelai

Taklam Khutpicin tom (right tumb finger) Khutpicin a tom mahmah mi om hi.

1. Tua te pen kamcidam zaw deuh uh hi. Kampau siamna (talent) nei uh hi. A siamkhin pah kei uh zongin sin leh siambaih uh hi. Kampau tawh milungsim a zo phadiak te hi.

2. A nasep khat peuhpeuh ‘ka matut dong’ ci tentan thei uh hi.

3. Khat veivei sintom thei uh hi. Heh leh khutkhial thei uh hi. ‘Kei’ cihbek thupi sak thei uh hi. Tua ahihmanin khutpicin tom te na muh leh a pianzia na thei ta hi. Nangzongh khutpicin tom na hihleh na kidawp nading munte ah kidawmziau lecin misang’ a taazaw khin na hihi.

Taklam (ziatlam) Khut melai (right middle finger)

Khut melai te na encian in. A dawmlam a zumpian na mu ding hi. Pawlkhat te zumtuanlo in a tangphei deda na mu ding hi. Hih thunih tawh mite lungsim ki theithei hi.

1. Khutmelai a dawnlam a zumpian te muanbanglo thei hi. Ciampel ziau thei hi. Mi thupi ngaihsutlualo aa hong nusia ziau thei te hi. gtn. nangh zu dawn thei lo. A mah’n zu duh mahmah ci ni. Inn pan no nihbek a vak khia na hihlaitak uh lampi pan zudawnthei a lawmte tawh kimu leh hong nusia ziau … cihdan hi.

2. A ma met nading, a ma nopsak nading a hihleh a lawmte kinmasa lo thei hi. Tua ahihmanin khutmelai dawm a zum te tawh na ki thuahleh kidawm in.

3. Khutmelai dawn a tangte (a zumlote) citak hi. Kamciam pel nuam peuhmah lo hi. Thu neuno khat nagawn ah mi sumsak nuamlo hi.

4. A mah sangbangin midangte thupisak zawliang thei hi. Thumansawm limlim hi. gtn, nitak nai 6 ah ki muding in mi tawh kiciam ci ni. Thuki zakkikna a omkei leh guahzu in huih a nung zongin a pai veve pawl a hihi.

5. A thuman sawm luat manin khem tuak baih hi. A mahangin mikhat in supna tuak ding cihpen a pianpih lungsim sungah omlo hi. Hiteng at leng na telsiam ta ding hi.

# Mi namuh leh a khutme te etsak ziau in. A lungsim puakzia ding tampi na ngaihsutsak theipah ding hi. Hih thunih pen up sawm in. Laibu tampi sungah zongh ki ngelh hi. Kei tektek in zongh ka etcian sitset hi aa 95% man lel hi. Lungdam, Siamsin Library