Thai gamsung ah Bus golpikhat guamsung ah kia, Myanmar gammi 6 si, adang mi 30 liam

Thai gamsung ah Bus golpikhat guamsung ah kia, Myanmar gammi 6 si, adang mi 30 liam

Thailand gamsung ah Bus dawlnih apha “Double-decker Bus” tekhat tuahsia leuleu in, Myanmar gammi 6 in sihlawh cih Reuters pan kiza leuleu hi. Tua Double-decker Bus golpi pen Monday zankimlam in atuahsia hi a, guamsung khatah akiasuk kici hi.

Tua Double-decker Bus tuahsiatna vaitawh kisai in palik thunei ahi National Police Spokesman Kissana Phatanachroen in agenkhiatna ah Mae Sot panin Chachoengsao Province zuanin apailaitak atuahsia cihi.

Chachoengsao Province pen Thailand khuapi ahi Bangkok City tawh akinai aom hi a, lokhawhna Farming Hub in akitheikhat ahihi.

Bus tuahsiatna hangin asi pen mi 6 hi a, Myanmar gammi vive ahihi. Tuaban ah aliamzong mi 30 bang phahi ci’n Police te’n genkhia hi.

Bus Driver in agenna ah hih tua Double-decker Bus pen Brake hoihlo hi ci’n genkhia a, Brake hoihlopi in Passenger apuakman in mi tampi in asihlawh hi ci’n Reckless Driving tawh tua Driver pazong kimankhin hi.

Nungkhasung mahmah inzong Western Thailand ah Bus khatmah meikanggawp in, Myanmar gammi 21 takin sihlawh uhhi. Tua Myanmar gammi tepen Thai gamsungah sumthalawh, nasemding in apai Myanmar Migrants vive ahi uhhi.

World Health Organization te ciaptehna ah Thailand gamsungpen lampi tuahsiatna atammahmah gamkhat in aciapteh uh ahihi. Leitung ah Libya gamkhit ciangin Thailand pen “world’s deadliest” in akiciamteh gamkhatzong ahihi.

More: Kawlgamsung Thingyan tuibuahpawi hunsung in misi 285 om, aliam 1073 pha

Tulaitakpen Buddhist gamtuamtuam ah tuibuahpawi bawlding in akigin mahmah laitak uh ahihi. Myanmar gamsung ah Thingyan Festival ci’n bawl uh a, Thailand gamsung ah Songkran Festival ci’n bawl uhhi. Tua tuibuahpawi bawlding, innlam zuanding in aciah Myanmar gammi 14 te tuanna Van mawtaw khatzong meikang cih Monday zingsanglam in kiza hi.