USA, Tulsa pan Tg. Kap Deih Mung (Lailo, Hatzaw) in hongnusia

USA, Tulsa pan Tg. Kap Deih Mung (Lailo, Hatzaw) in hongnusia

Mangpha Tg. Kap Deih Mung (Kum 40) Hatzaw Beh – Lailo khuami Tulsa, OK aa ateng Tg. Kap Deih Mung in abeisa December 7, 2021 in Gilsung damlohna tawh hongnusia chih thu izak man in ZIUSA kipawlna mintawh dahpihna i pulak hi.

Tg. Deih Mung pen Zomi te kipawlkhopna Zomi Innkuan Oklahoma ah member khat leh ZIUSA Genvai member pom ni 1/31/2017 pan active member khat ahih manin thumeilet/policy zuiin (100%) Death Benefit $15000 kipiakhia dinga paakkual $150 man khat tawh zong mangpha khakna kinei ding hi.

Tg. Deih Mung luanghawm tawh anunungpen hunzatkhop ding hong tungding Friday December 10, 2021 in (Laipian) pawlpi makaihna tawh, Funeral Service bawl khit ciang, han ah vuina kinei ding hi.

Tg. Deih Mung hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Zomi Innkuan USA, Inc.)