US Tennessee ah Officer khat kikaplum, akappa matding in kizonsan
USA, Tennessee State sungah Sheriff’s Deputy khat Wednesday ni zingsanglam in thautawh kikaplum in, tua akaplum thautawipa pen taimang cih Fox News pan kiza hi. The Tennessean te pulakna ah Kingston Springs vengsung ah mawtaw akigu khat om cihi.
Tua mawtaw akigukna vaitawh Dickson County Sheriff’s Deputy khatin delhpah a, mawtaw agu hiding in aki ummawh khattawh Deputy papen kamki nialgawp uhhi. Tuakhit ciangin Deputy papen kaplup thuakin, akaplumpa pen ataimang ahihi.
Humphreys County Sheriff’s Office te’n apulakna ah tua thautawh Deputy akaplumpa pen amin Steven Wiggins hiding ci uhhi. Tuapa pen mikang pasal “White male” khat hi a, asanna atun pi 6.1 leh agihna Pound 220, alu tol in, asampen asandaupian hiding hi ci’n pulakkhia uhhi.
Dickson khuasung vengsung mipite zong kidoptheih nadingin thautawi migilo khat om hi ci’n Alert ki pulak khiakhin hi. Khuasung mipi te’n muanmawhhuai khatpeuh namuh uhleh amanlang in kumpi thunei te hong zasakpah un ci’n ki tangko khinzo hi. State Troopers te’nzong tua Area sungteng ah encik gige in om uh cih Social Media tungtawn in kiza hi.
Hihpa pen thau ahih keileh hiamkhatpeuh tawikhading a, lauhuai hi. Na muhkhak uhleh 911 ah amanlang in hong zasak un ci’n Tennessee Bureau of Investigation te’n tangkokhia uhhi.
More: US Florida ah Myanmar sangnaupang khat thautawh kikaplum
Kaplup athuak Deputy pa ii amin apuam pen bangmah pulakna omneilo phot hi.
US gamsung ah 2018 kumkipat akipan tuciangciang Law Enforcement Officer asi pen 37 phakhinta hi. Tua Officer tepen nasep laitak, Duty hunsung in asi uh hi a, tua Officer asi mi 37 lakah 24 tepen thautawh kaplup athuak uh ahihi. Sawltak #zomidaily
Comment piaknop aomleh...