Shanghai khuapi geinai ah tembaw nih kitaih, mi 32 mangcip

Shanghai khuapi geinai ah tembaw nih kitaih, mi 32 mangcip

China, Shanghai khuapi geinai ah sathaupua tembaw khatleh vanpuakna tembawkhat kitaihkha ahih manin, mi 32 mangcip cih BBC pan kiza hi. China’s East Coast ah aki taihkha hi a, sathaupua Oil Tanker sungah Iranian Oil bekbek akigawm in 136,000 Tonnes apua ahihi.

Tua apuak Iranian sathau ii amanzahpen $60 Million mannei hi a, aki taihkhak khitciangin meikuanggawp hi.

China’s Ministry of Transport te genna ah tua Oil Tanker tembaw tungah atuangpen akigawm in mi 32 hi a, Iranian gammi 30 leh Bangladeshi gammi 2 ci uhhi. Tuateng khempeuh avekin mangthangcip uh a, khatmahmahzong kimukik zonailo hi.

Adang aki phutkhakpih vanpuakna Cargo Ship kici tembaw sungah nasem Crew akigawm in mi 21 atuang uh hi a, tuatepen ki honkhiathei cihi.

Iran’s Ports and Maritime Organisation panin makaikhat ahi Mohammad Rastad in agenna ahh khuahun hoihlo luamahmah in, tembaw meikuang paninzong meikhu tamlua mahmah ahih manin ahonkhia dingin akithawi Rescue Team te ii naseppen hamsa mahmah cihi.

Abeisa in Iran gampanin sathau puakkhiatding akikhamcip hi a, abeisa 2016 January kha akipan international sanctions pen aki hongkhiapan ahihi. Tuazawh Iranian Oil Tanker te tuahsiatna lakah hihzah in ahuaisia in tuahsiatna omngei nailo hi.

Abeisa 2016 August khasung in Singapore Strait ah Iranian Supertanker khat ki phukha in, tuahunlai in asi kuamah omlo leh huihlak aninsak Pollution cihte omlo hi.

Ahi zongin Saturday ni in thupiang ahi Shanghai tuipinawl ah tembaw akiphukha pen huaisia mahmah hi. Acimawh te ahuhding in Chinese tembaw akigawm in 8 kipaisak a, Search-and-Rescue Operation kibawl hi ci’n China’s Official Xinhua News Agency te’n pulakkhia uhhi.

Video: 30 feared dead in Iranian oil tanker blaze after collision with freighter off Shanghai

South Korea gamte’nzong hih tuahsiatna ah cimawhte ahuhding in Coastguard Ship kici tembaw khatleh Helicopter khatzong ahuhding in paisakpah uhhi.

Hih sathaupua tembawpi pen Iran, Kharg Island panin South Korea, Daesan City zuanin apai laitak in atuahsia ahihi.

More: Korea tembaw kibutna hangin Captain pa kum 36 thong kiading

Vanpuakna tembaw “Cargo Ship” pen amin “CF Crystal” kici a, Hong Kong ah Register akibawl tembaw khat ahihi. Hih tembaw tungahzong nektheih antang, butang leh Grain akigawm in 64,000 Tonnes tak akipua ahihi. US gampan in Southern China, Guangdong Province zuanin akipua cihi. Tuatung ah atuangte pen Chinese Rescue Team te’n honkhiathei uh cih Transport Ministry te’n genkhia uhhi. Sawltak #zomidaily