Tedim leh COVID-19 ~ Siama Zam Cing

Tedim leh COVID-19 ~ Siama Zam Cing

Hih nat na pen gamdang ah ki mu masa ahih man ingamdang pan ong ciah te leh ama ki zop pih mi te lungno aneih leh neih loh tel cian na ding in lungno ki sit hi.

Tedim gam huam ah lungno anei khat ki mu khia ahih man in adang aki lawh khak ding lung hih mawh na tawh ama ki zop pih ih phawk khak teng amah tawh aki muh nunung nipan ni 14 sung ki en cik hi.Pasian hehpih na tawh tudong thusia om lo aa, ki nuam mah mah hi.

Tedim gam huam pan mi 5 ki sit sak khin aa amah simloh suakta hi. Lungno sit na pen Yangon ah hi aa leitung bup in Feb 20 ni in kip sak na ong neih sak sa ahihi.

Tu in gam dang pan leh kawlgam sung lungno ki muh na mun pan ong ciah ihta ih nau te in nei kha zen zen leh ih phawk baih na ding leh mi dang alawh loh na ding deihsak na tawh khuahausa te leh cidam na lam nasem te kipawl in agel na uh mun ah kikoih phot ding aa inn ah ki ciah sak lo ding hi.Hih thu ah ki simmawh na cihdan in ngaih sun het lo in thu ih man ding thupi mah mah ding hi.

Gamdang pan leh kawlgam lungno kimuhna munpan aciah ding te’ innkuanpih te in inn atunma ni khat sap in khua hausa te zasak khol ding hangh aa, inn pan neekleh dawn,silh lehteen ding vai hawm ding hihangh.

Tedim pan mundang ihpai khiataa ong ki theih leh ihtun na ah ei zongh ni14 sung ong ki khum cip ding hi pah hi.

Tua dan lampi tawh ih kalsuan lai tak in a it huai ih Tedimkhangno ahithei teng leh sm te ki pawl khawm in azu ahaam lak ah khua sung lut te khut silzia, ong hilh sak aa cisa zong ong teh sak inminsazian ong laaksak ahih na te naakpi tak ki lungdam hi.

Mi pawl Khat in lungno ki mu te asi pah pah leh midang alawh ham tang ding ngaih sun kha aa tua pen hihet lo hi.Natna gil nei kei in ih tha hat peuh leh lungno te ki zo hi.Tua ahihman in lungno te ei kiang hong tun khakloh nading lungsim pumpi cidam nang anlim te ne in ong ki gen te mang siam ding leh ihmut cim ding ki samh hi.

Up mawh thu tawh ih mawk ciak ciak sang in ih hih theih na tek ah mapang khawm in it na leh deih sak na nei kim ciat ni. Lungdam, Siama Zam Cing