Tedim khuapi ah

Tedim khuapi pan hong hopih ing. Laisim mimalkim na damkim tek un maw leh.
Kumthak zawh tawm khat khuahun kikhel in hong lum zawdeuh hi. Tua
banah tat zia hekzia khawng zong hong nuam cih ding hi. Mi kitam hi
zaw maw? Ahih kei leh, bang ahi tam maw? Misi om leh kizomzom thei hi.
Kumpi in hong puah zawhdeuh cih ding hin teh, Sakollam veng pan Lailo
khua paina lampi pen kuultal tui Lailo khua dong kizuut ding hi.

Tua ban ah BEHS (1) sang khang nidang a Siapi Thuam Go Thang inn pan leh
Sia Suah Za Dal inn kikaal lamsaklam teng lamkeekte in maban hong zom
uh a, lamphung lam ah hawktui luanna ding a tawh laitak uh ahi hi. Tua
kiim teng ih pai the bangbel leivui khu hiuhiau cih ding hi mai.

TEDIM KHUAPI AH in kilam thak zong tampi om aa, khuapi hong tawisang
mahmah uh hi. A kilam san mahmah laitak ahi. Thang Za Sing, Tunta,
Dam Khaw Zam hi teng thum bang kiman leh khuapi nop ci semsem si in
teh ci in kei tumtak in ka nuam mahmah hi. Inn kilam dante zong a
khangto zawte lam dan in kilam ahih manin, ei zong maw khantoh gimnam
ta ve hang ee ka ci a, inn hoih lam zo te tung lungdam ka koh zawhloh
hang ka lungdam khinkhian hi.

TEDIM KHUAPI AH pen a pua lam pan a hi zong TEDIM KHUAPI sung pan ahi
zong mawtaw zong tam mai cycle zong tam sa mai ing. Naupang neu keukeu
te’n zong hawl u lian khin te’n zong hawl cih ding hi. Tua hin, khat
veivei teh a tuahsia zong om thei in, kidop huai zong sa ing. Cycle
lian tawh nuntakna bei a om lam ka theih loh hang hat sak luatna tawh,
Clinic tung kiaukiau kiom peuhmah hi. Ih omna tek pan ih kithuhilh
ding kisam sa ingh.

Hong tung ding February kha sung ah, kipawlna tuamtuam zui in siwe
kibawl ding hi a, a pawlpawl in a kigingging zong kiom ta hi. TEDIM
KHUAPI AH EBC teRuby jubilee tung ding hi a, Bawda tual ah saklam nga
in State nasia mahmah khat u tunta makai in lam san uh a, kawlgam sung
muntuamtuam pan pawisim a kipai ding ahi hi. TEDIM KHUAPI a om ahi,
Tedim Theological College in zong sangtuah hun bawl kuan ta dinga,
master zong kipia kha ding hi.

Mawhsak nop man hilo in, mei leh tui pen zat nuam taktak nailo cih
ding hi. Mei leh tui bang anuam mahmah hi leh maw, solar tawh tui
satsaknate lei si ning a cici pen om ta a, TEDIM KHUAPI AH zong hong
kizuakto ta hi. Zangkong khuapi bangin TEDIM KHUAPI AH zong man
sawpna pen hong nuam mahmah hi. Leo te leh music world in pong khat za
tawh Zangkong Sule gei ate sawpnate zangin hong sawp ta uh a, Pasian
thupha in TEDIM KHUAPI leitang leh a tung ateng te thupha hong piak
kipanpanta veh, thungente aw, na thungetna uh ki mumu thei taveh ci-in
kei om muan in ka lungsim na paupau hi.

Ka pawk khak loh thu tampi om ding aa, thupi ka sak teng hong gelh
cih hilo in kei bat tantan hong gelh hi zaw ing.

tplian