Sum beilo Malaysia paite tauna aw
Kawlpi panin sum beilo Malaysia na painop leh ci a Puaisate khem athuak Zomi te tauna aw a nuai-a bangin i kitheisak hi. Kawlpi leh Tedim kikal zong sum bei loin kipai thei lo kimlai, sum bei lo a Malaysia pai thei ding cih pen Zomite in upding hilo hi. Malaysia gam Camaron High Land panin Malaysia Zomi Kipawlna ZAM tawh a ki honate uh leh a kitankhiate tungpan in kithei ahih manin Zomi khempeuh in theih ding lunggulhna tawh kong suah ahi hi.
Hello… Hello, a kiza na! Hehpihna tawh kei Zomi hing, tu laitak Camaron High Land a kicihna Malaysia gamsung hong tung ing in, nong hehpihnatak tawh Malaysia sum RM. 4000/- tawh hong tan un, nong tat kei uh leh Thailand gamgi lamah hong zuak ding, tuipi tungah ngasa mante tungah hong zuak dinguh ci hi.
Sau kiho theilo ding ci-in sau kiho leng hong suigawp un, nikhatkhat an hong pia loin, hong pia sunsun le uh zong buh tawmcik, zasan thaklualai hi. Genthei lua ung, hong tan mengmeng un.
Kawlpi pan sum beilo sumpiak kullo ci-in Malaysia hong tung Zomite kihona aw hizen hi. Hello… Hello.. Hehpihna tawh ei mite sum hong kidongun la hong tanmai vevua, hong thei dektak ei.. tua zah cini, hih phone tawh nong hopih leh Puaisate’n na lenincin tua panin kei vai no kihothei nuteh.
Hih thute pen a thuakte hong pusuakkhiate, sum tawh kitan zote, gam sung pan hong taisim zote tung panin amau tawh interview na ahi hi. Zomite kigensawn ciat ni ei. Deih sakna tawh i kitheihsakna hi.
Zomi u le nau a kuama peuh aw, sum Ks. 40000/- 50000/- khat ngah nadingin i mipihte zolin Malaysia i paisak a, Camaron High Land tuikulhah a tunga bangin cih nading theilo lamet bei-in thumin, tau uh ahih manin hih bang na sem i khua i tui i pawlpi ah a om leh khamciat ding hihang. Khua, Pawlpi leh min ki thei khinsa zong oma a, a kipulak nuam nailo hizaw hi. Ih khawl kei leh zumhuai mahmah kha ding hihang cih deihsakna tawh i kitheisak nuam hi. ZYA Weekly News
Comment piaknop aomleh...