Tedim, Khuado Hall ih zatnop leh

Tedim, Khuado Hall ih zatnop leh

Tedim, Khuado Hall pen pawibawlna a hi zong, mipi tawh hunzatkhopna khat peuhpeuh i zat nop leh kizang/kawm thei hi.

Kawmman pen tuazah cihbang ki khensat nailo hi. Nung in zong buaipiakna leh NGO ten thugenna (ေပာေျပာပြဲ) in ki zangzang khin ta hi.

Mipite a mah a hihmah bang in a awn nak leh kizang thei ding aa a hi zong zuihding thu neuneu pawl khat om ding hi.

Kawmman a sum zong kila tentan cih bang hilo zaw aa, puahkik nading ah zatding cihna hi zaw hi. Kawm na ding sum anei ngiatlo te pen zum-ah hong pai in thunei te tawh kiho le uh ci’n zong lemlem thei khading hi.

A nei te’n a pia zolote haza lo zaw in, pia leng i gamsung leh i Zomi sung khangthona hi zaw kha ding hi.

Khuado Hall

Khuado Hall pen 1982 kum in makaite geelsiamna leh taangpi/ taangta te tha leh ngal sum leh pai tawh 3600000Ks tawh kilam ahi hi. Tu in kum (36) bang pha zota hi. A dung a vai (120′ × 58′) lian in, a sanna 27 ‘ pha hi.

A siatnate Sipin Budget tawh kipuahkik aa kizo kuankuan ta hi. Meikhau leh mei bulb te zong ki liah khin in, mei hong pai ciang a tang zihziah thei ta ding a hi hi.

Ceremony Of Timothy Bible College’s Graduation at Khuado Hall

Khuado Innpi ah Timothy LST sangnaupangte gualzawhna lukhuneelkai piakna pawipi nasiatak kibawl hi.Tedim khuanu/ khuapa a kuamah peuh in mopawi a hi zong pawi khatpeuh peuh i bawlnop leh kikawm/bawl thei hi.

#Khuado innpi a kipuah khit zawh Pasian minthan nading hi bang in kizang masa pen hihman in ih lungdam mahmah hi.

Ki Dop Siam Ni

Khuakhalhun nisa in gamkeu mahmah a hihman in meizat dan kidawm ciat ni. Namgimtui zuakte phadeuh limtak ki dop huai hi.A hun tunma in i ki dop kei leh hong pian taktak ciang et khong bek loh ngal bang mah kicih theilo hi.

Tua thamlo in ei ginat lohna hang in i veng i pam mitampi in sup lawh buai lawh kha thei lai hi. Tedim Municipal