Belgium mipi tammahmahna munkhat mawtaw tawh anawksawm migilo kiman

Belgium mipi tammahmahna munkhat mawtaw tawh anawksawm migilo kiman

Belgium gam, Antwerp City sung ah pasal khatin mihonpi lakah mawtaw hawlpheisawm cih kithei ahih manin palik te’n man uh cih BBC pan kiza hi. Antwerp City sung aom Meir kici vanzuakna tuamtuam atam mahmahna Shopping Street sungah mikhatin mawtaw khat hathawl mahmah in, kuamah aliambel omlo cihi.

Tua mawtaw pen France te mawtaw, French Number Plate azangkhat cihzong kiza hi.

Hih khuasung mipi buaina apiangsakpa pen North African gammi te khat ci a, thunei te’n manpah uhhi ci’n Antwerp police chief Serge Muyters in genkhia hi.

Belgium’s Prime Minister Charles Michel in hihbang in migilo a ngongtatsawm, Terror Attack abawlsawm khatpen ahunlap in City Authorities te’n amankhiat theihpah uhpen thupi samahmah in pahtawina pia hi.

Europe gamsung ah migilo te ngongtatna kizomtoto a, zanni mahmah inzong London khuapi laizang ah Terror Attack piangin mi 4 in sihlawh a, adangzong mi 40 bangin liamlawh uhhi.

More: Belgium Airport ah anasia mahmah in nihvei kizom apuakkham om

Belgium khuapisung Brussels City ah abeisa tuma kumkhat hunlai in migilo te ngongtatna hangin Bomb akizom in nihveitak puakkham ngei a, mi 32 takin sihlawh uhhi. Tuathu apianzawh kum 1 acinglian hita hi. ZD Sawltak #zomidaily