“Tedim Kam” cih thulu, Rev. Khoi Lam Thang aki siikna

“Tedim Kam” cih thulu, Rev. Khoi Lam Thang aki siikna

Zomi sanggamte, Hihthulu hong saausim ta-in “kentawm hong kuppihpak ning-in tuateh khawlta-ni”, cilehang dictatorship hongsuahna I-thei kimciat dinghi, banghanghiam cihleh suakta tak-a kikupkhopna-in phattuamna hong piathei khading-a, dictatorship-in ahihleh suahtaakna susia tawntunghi. Ahoihpen ding-in ngaihsutna sunkhiatding thuhoih ahihi.

Pu. Khoi Lam Thang’ laaisinnate Kawlgam tanzil (level)-in saang mahmah-a, Zomi taangthu leh khangtaangthu-zong atheih tam mahmah dinghi. Alangkhat-ah atheih khaaklohzong tampi omveve dinghi. Deihna bulpi-ah Zomi khangthakte-in paukam akici language minvawhna-tawh buaiding deihsaklohna hipen-a, deihsakna khat leuleu-ah Dr. Vumson’ laaigelh “Zo History: 1986” laaimaai 19-20 simding ahihkeileh theih dingzong thutheihna khat kibehlapna suakding ahihman-in kong deihsak-hi. Laaibu ka’ nei-a, asimnuam I-omleh copy bawl-in simtheih ahihi (abu kawmding phalloh-hi).

Ui-pen aneutuung pan-in anpiak hun sim-in “Rambo” ci-in sam lecin Rambo-pen ama’ min-in ciamteh ahihman-in hongpai leklek dinghi. Amah ui hi-a, aituam min na’ phuak ahihi. Ei-pen mihing I hi-a, minam min-pen hih ui bang-in mite’ phuah-peuh lungkimpih peuhmahding hilo-hi. Ui-tawh tehdingte hilo hihang!!!

“Tua ahih man in Zomi ih cih kua te hiam cih  din mun tung tawh in ei Zomi pau (language or direct) zong Zomi/ Tedim Chin/ Zomi Chin/ cih bang in ih khen thei pan ding hi.” Hih laaigual ngaihsut phatding-in akisam leh akilawm ahihi, banghanghiam cihleh laailam adiak-in thukhaam siampi I-neihsun Pu. Cin Sian Thang-in hihtanveita azawnpih, athuakpi khitsa ZNC statement te-inzong bangthu-teng pulaak uhhiam cihte theihhuai khadinghi.

Zomi’ huam tawhkisai “huam” cihciang-in minam minpua ahihphotphotleh tua aki minvawh minam sung-ah omding/ hihding/ suahding alungkim mite-bek huam thei-hi. Gentehna-in, Zomi kici nuamlo-a, Zomi minpua kithuahkhopna ahzong akihel ngeilo, a-uutlo, namdangte’ lak-ah nuamsa, tualbial thapaai mi-khatpen “Zomi hi-mahve teh-aw, na sisan Zomi sisanhi, na pulehpate Zomi hiveh, Zomi hiteh” vacih tantan theihloh ahihmanbang-in vacih dingzong ahaivaai simtham suakzaw-hi, banghanghiam cihleh tuabang-a a-uutlo mite huai nopna-in phattuamna hongtun ngeilo-a, tuabang mite namdang lak-ah amangthang dingmah ahihmahbang-in Zomi tampitak kimansuah khinta-hi. Tuahi-a, “huam” cihciang-in alungkimteng, Zomi kicihding azumpihlo miteng, minamtawh kizoptuahna aneiteng longaal huam theih hilo-hi.

“Tedim Chin” cih tungtaang-ah 1994 kum-in Kawlgam dant 10 ka-kaantan thei-a, 1994 March kha-in suangmanpha tawhna Shan Gamseh, Mong Shu (Kawl-aw” Mai-sho) khua-gei Sang Liong leh Wong Kang (Kawl-aw” Sai Liang & Wan Kan)-ah kum khatleh alang ka-omhi. Namdangte-in hongdot ciang-in “Chin State” genlehang, “Tii-Tein phek-kahlaa, Haa_kha phek-kahlaa?” hongci-thuah zeel uhhi, Tedim lampan maw? Khalkha lampan? cihna ahihi.

Hih laaikhil (paragraph) sung-ah athupi namnih omhi. Kawlgam sung-a gamseh-khat ahi, Shan or Shyan gamseh sung-a Shan mite-zong Zomite mahbang-in Pa-Oo, Pa Long, Wa cihbang-in namlian simsim vive kidang uhhi, ahizong-in amaute’ kilamdanna sang-in akibatna-uh thupi saktheihding kilawm kasa-hi.

Kawlte-in Kawl laaimal-tawh Mai-sho, Sai-liang, Wankan, Pansai ci-in agelh biiubiau uh-a, Shante-in amau’ laai akawi biilbial-tawh signboard khempeuh (ataangpi) amau’ laai-tawh gelh, Roman Alphabet azatciang-uh’n Mong Shu, Sang Liong, Wong Kang, Pang Sang/Sail ci-in gelhlel uhhi. Zomi te-in Kawlte’ hongcihsak Tiddim ci-a I-zat mahmahpan kipan-in Shante I-batlohna kilanghpah saisai-hi. Tua baan-ah Northern Chin leh Southern Chin-in hong kitheih mahmahlam Wah te’ lakpan kitheihi.

Wahte kei’ kimuhpih ngeite-in Northern Chin cipeuhlehang (ZNC’ ziak-in) Zoo-mih hongci uhhi. Yangon-ahzong 1996 – 1998 kikaal saangkahloh sungteng ka-om-a, “Tii-tein Chin laaa?” hongcite Khalkha lamte vive hi-in namdangte-in adiak-in politics’ hang-a Tha-Ma-Lone (Kyiaut Tan Township) khua-a abu Kachin, Arakan, Kawl te-in Pu. Chin Sian Thang’ khanna gamkuam tel-uh ahihman-in  “Zoo-mih” hongci theipahlel uhhi, ahizong-in amaute-pen politics lam-ah mee-kuang luui-ngamte hizeel kawikawi-hi. I-kihopihte’ tung-ah tampi kinga khading-in um-ing, banghanghiam cihleh Yu-Ya-Na U-Yin Myo-Daw acihna-ah kahawh ciang-in “Tii-tein Chin” cih kammal kiza theizeel-hi.

1998 kum-in Zomite’ khuapi-khat Lamka ka-tunghi. TCU akici Tedim Chin Union na-om giap-a, thahaatzong thahaat simthamhi. Kawlgam lamkaai-a Zomite-in Tedim Chin cihdaan nei ngeilo, CCOC lobuang Chin minzong apua omkhollo zahdong-a I-ngaihsut kimlaai ahihman-in lamdang kasa vat-hi, banghanghiam cihleh lamen vetlo kahihman ahihi. Awilo ahihkeileh elbawl cihbangte ka-neihloh man-in Nipi ziingsang hunzangh ding-in khatvei hongseh uh-a, ka-zangh takpi-hi. Cihnopna-ah ei’ ading-a athaksuah thu-khatpeuh elpahpah, langbawl pahpah cihte-pen tualniam khuasakna hi-a, hehpihhuai-hi.

Tu-in Melbourne nangawn hih Tedim Chin or Tiddim Chin in honglawh himaita-a, tuasung-ah theihding akisam tampi’ lak-ah dotna-tawh akisuun thu 5 lungngaihding kongpuak-hi:

“Bang hun-in Kawl gam-ukte-in Tiddim Chin minam omhi / Tiddim Chin-pen minam khat-hi ci-in ciaptehna bawlngei ahihiam? “Zomi Chin cihzong bang hun-in Kawl leh Vaai leh namdangte-in hong ciamteh ngei-hiam? “Koiteng pan-in akua teng-in ‘Zomi Chin’ cihpeuh, ‘Tiddim Chin’ cihpeuh bangthu bulphuh-in hong gingkhia sak uhhiam?

“Minam’ maailam akhual mi khat-in zaanmah-a hong piangtawm hih min tuamtuamte thupibawlding akisam mahhiam? “Mite’ hong cihbangbang eite’ hihna maantakmah hi-pahhiam? Ahihkeileh mite’ hong cihbangbang eite’ hihna maantakbang-in I-bulh ziauziauding akisam mahhiam?

Zomi a-omleh akampau-pen mindang hilo-in Zopau-mah hipahhi. Zomi cihnungsang-in khua-min, gammin hilo-in minam-min ahihman-in apauzong minam paukam (language) hipahhi. Gentehna-in Australia leh USA-ah Zomi-pen minam khat-in hong kiciamtehlo hiphiallehzong, ahihkeileh Kawl gam-ukte-in Zomi-pen minam khat-in hong sehkei phiallehzong, ahihkeileh Lai mite-in Zomi kicihding uutlo-in “No Zomi te-pen Tedim te hi-uhteh hongci-phial zong-in…………..

More: Tedim Kam ~ Rev. Khoi Lam Thang

Ei’ dinna, ei’ minam, ei’ kampau sang-a athupizaw bangmah omlo-hi. Kiimlehpaam’ ciaptehna leh kipsakna’ hang-a Zomi akipiangsak hilo-in, Zomi minam tuamkhat ahihman-a kiimlehpaam-a namdangte-in mintuamtuam hong vawh ahihzawkna theihding kilawm kasak man-in hihteng kongsung-hi. Deihloh a-omleh ka’ personal email address-tawh hong kogawpthei uhteh. Zokhai Written on 1 July 2009