Tedim khuazang in hanthak zatding vai pawlpi (30) val tawh kikupna

Tedim khuazang in hanthak zatding vai pawlpi (30) val tawh kikupna

Mailam a sawtnawnlo hunah Tedim khuazang bup in hanthak munkhat bek zat ding vai tuni khuado hall ah kikupna va ki nei thei hi. Tedim khuasung a om pawlpi 30 val pan makai mi 56 hong ki helthei uh hi. Tulaitak hanlui/ akizanghlai te, a om sa bang in ki koih suak ding a, ki tuah nawnlo ding hi. Han munthak ding mun pen Sakollam Cimtaang a cihna mun hi ding hi.

Thukhensat teng

1. Khuasung khantohna tawh ki zui in hanlui teng mailam ah ki zangh nawnlo ding a hanthak munkhat Tedim khuazang in zat khop ding ki thukim hi.

2. RC (Roman Catholic), Muslim, Budda, Laipian hih biakna 4 teng a tuam vilvel in munpiak ding ki thu kim hi.

3. Nominated acrea 50 hoihtak a munhawm lampi sial nading a kisam sum pen pawlpi kimciat in sik ding ki thukim hi.

4. Hanmunthak Committee khat ki phuan ding ki thukim hi.

Thukhensat sate tungsiah ah ki puak toto ding hi.

Tedim han tuahvaiding kikupna kineiding

Dimtui vangkhua hong khangto aa inn hong ki beh laplap in mimal zong hong pawlcing Pianta hi. Tua ziak in a beisa hunlai khawng aa ih han/khan te inn tawh ki gamla mah tase leh tu’n khuasung hong suak ta hi.

Mailam hun saupi geelna tawh Sipin tanu/tapa te’n vaipuakla in pawlpi sia (Pastor/Priest) te leh pawlpi maikai te tawh han/khan tuah nading mun vai tong kikupna a nuai aa bang in om ding hi.

Tedim khuapi sung aa om pawlpi khempeuh pan sia te leh makai te pawlpi khat pan a tawmpen 2 ta hong ki hel ding hi. Hong kihel hamtang un, hong ki hel lote a ding thunung ah nawikaina om thei ding hi.