Tedim khuasungah datsi zuakteitei ahih manin ki matsak

Tedim khuasungah datsi zuakteitei ahih manin ki matsak

Tedim khuasungah datsi kizuak saklo in azuak teitei hang in – Tuni Tedim khuapi , Sakollam veng Tedim Road le Kamhau Road kituahna ciangka a saipi ahi Nu Nuampi sai-ah Sakollam Hausapa, Tedim Sipen, Mitat/ meiphelh pawl, palikte in datsi azuak veve hangin adatsi aomteng matsak ban ah azuak nawnloh nading thupia hi.

Hitawh kisai Tedim khuapi sungah kangmei patau lauhuainate kidal kholhna in Tedim Municipal/ sipen le mitat/ meiphelh pan avaihawm uh khuapi sungah datsi zuak theilo ding ci-in frebuary ,1 ,2018 pan kipan in zuak nawnlo ding azuak nuamte’n khuanawl ah zuak dingin azuak khempeuh tung ah suaikaihna january kha in abawlsak mang ahi hi. 11/2/2018|Phualva Lungtuak Media

~ Sakollam aa Sangpi nuai aa Nuampi Datsi sai pen khuasung a hih man in thuneite in a Datsi zuakna hang in a datsi pawlkhat matsak cih thu kiza hi.

~ Tedim Khuasung aa Datsi zuakte kidawm ciah un Khuakhal hun lauhuai hi. Khuanawl aa zuak ding thuneite in thu a kipiasak cih thuzong kiza hi. 11 Feb | Tedim Times

Tedim ah namgimtui zuaknading amun kihawmsak

Jan 31,2018 (Wed) ni in namgimtui (zinan/ datsi/ diesel) te zuak na ding mun kihawmsak hi.

Tualai-ah (ေထြအုပ္၊ စည္ပင္၊ေျမစားရင္၊ ရဲတပ္ဖြဲ႔ ၊မီးသတ္၊ ရပ္ကြက္အုပ္ခ်ဳပ္ေရမွဴး) te in a mun ding geelsak uh hi.Namgimtui zuakna sai khat ciang pi 15′ kipia hi.

Zuakna ding munte

• Kamhau lampi Kawlpi paina (ႀကိဳဆိုပါ၏) sak Gawmual nuai-ah
• Ciau lampi, ciangka tunma (lawibual)
• Mualpang lampi (ၿမိဳ႕ပတ္လမ္း)(Myoma) inn tawpna pam deuh
• Tonzang lampi (တပ္ကုန္းေအာက္ ႀကိဳဆိုပါ၏) khen deuh

Tedimkhuapi sung aa om namgimtui zuakna sai vekpigawm sak (35) om hi.

Hihmunlote aa kizuak khempeuh Feb 1,2018(Fri) ni a kipan thukhun ombang in thukibawl /ki gaam ta ding hi.Thuneite’n ahoih pen ding, meikang dipkuat patauhna tawh i kipelh nading a deihna uh hi aa, mipite summetbawlna/sumbawlna kisusia nuam hi lo hi.Tua hi aa, thumanna tawh i zuihzawh nading hanciam tek ni.

Tedim khuapi sungah datsi/diesel zuak kiphal nawnlo

Jan 26, 2018 (Fri) tusun 2:00 pm hun in, Tedim khuapi sung aa, datsi/diesel zuakte Feb 1, 2018 a kipan khuasungah hong zuak nawnloh na ding uh laipia in, letmat (sign) thuhsak in kivak kawikawi hi.

Tedim General Department Of Administration ah ki kituah in, ေထြအုပ္, စည္ပင္, မီးသတ္, ရဲတပ္ဖဲြ႔ leh ရပ္ကြက္ အုပ္ခ်ဳပ္ေရးမွဴး kipawl in datsi/diesel zuakte kiangah khuasungah zuak nawnkei nung cih lungkimna letmat kithuhsak ahi hi.

Khuakhal kipanta aa gamkeu in, huih zong nung hiauhiau ta ahihman in khuasungah datsi/diesel ki zuak pen lauhuai mahmah hi.

A beisa sawtpipek lai in zong datsi/diesel zuak nuampeuh mah in khuanawl ah zuak ding ci’n ki gengen khin zo hi.

Thunei ten a zuak theihna ding leitang munte a lem thei ding in geelsak ding hi.

Tedim khuapi sungah datsi/diesel zuak

• Sakollam Vengah datsi/diesel zuakna (30 )om
• Lawibual vengah (10) om
• Leilum vengah (3) om

Tuni a laikipia teng hi aa, Myoma veng kisitnailo/ laipkipia nailo hi.

(Datsi/ Diesel khuanawl ah zuakding khuasungah zuakthei nawnlo ding cih thukhun pen ဌာနဆိုင္ရာ အစည္းအေဝး pan a khensat uh ahi hi)

Kahlei leisantang tawh kibawl

လ ဝ က Zumsak ကာရာနီေဆးဆိုင္ gei paisukna (အိမ္ၾကားလမ္း) lampi leisantang tawh kahlei (step) kibawl hi. A veng a om teng sum leh pai kidong in amau hahkatna tawh a bawl uh ahi hi.

Hibang in, i kim i pam ciat veinatakpi tawh puahzoleng i khuasung nopci mahmah ding hi. Tedim khuasungah minam leh gam a ding neihsa sum leh pai it-sit hetlo a piakhia mitampi om hi.

Sit-telna Nei

Jan 24, 2018 (Wed) Tedim Khuado Hall puahkikna ah Lianmung co.,Ltd. ten vaipuakla in sem uh hi. A nasepnate uh Pu Go Suan Khai (AD), EO, Committee te leh Hausate in sit-telna vanei uh hi.

More: Tedim Municipal pan Ninkhawm Mawtaw vai gencianna

Jan 24, 2018 (Wed) Tedim Sipin Zumpi-ah EO, Committee te leh Hausa teng in Tedim khuamite in tui kicingtak i ngah theih na ding leh khuasung siantho na ding a hi zong thutuamtuam kikumkhawm uh hi. Tedim Municipal