Myanmar President asemlaitak ahi U Htin Kyaw apanmun pan khawlta

Myanmar President asemlaitak ahi U Htin Kyaw apanmun pan khawlta

Myanmar gamsungah Civilian President asemlaitak ahi U Htin Kyaw pen apanmun panin nasep khawlta cih tuni Wednesday (March 21) ni in ki tangtokhia hi. Myanmar President’s Office te’n Facebook tungtawn in nasep akhawlna vai pulakkhia uh a, President Htin Kyaw pen tulaitak apanmun, anasep panin khawlta hi cihciangbek pulakkhia uhhi.

U Htin Kyaw pen Myanmar gammakai Aung San Suu Kyi tawh akithuah mahmahkhat ahihi. Myanmar Military Government in abawl Consitution tawh kizui in Aung San Suu Kyi in President semtheilo ahih manin, U Htin Kyaw pen adeihngiat in ateelkhiat a, President asepsak kici hi.

Abeisa tawlkhatsung U Htin Kyaw pen damlohna vai tuamtuamtawh zato kibawl in omzel a, Local Media pawlkhat te’nzong tuavaiteng suahkhiathei zelzel uhhi.

Myanmar President’s Office te genkhiatna ah “Myanmar Constitution Article 73 (b) tawh kizui in President panmun awngah asem thakding pen zumnasep ni 7 sungin teelkhiatding cih ahihi. (within seven working days)

More: Kawlgamsung meileng puahnading Germany pan US$5.3 million leitawisawm

Myanmar President asemding in athak aki teelkhiat masiah Myanmar’s Vice President Myint Swe in President nasepteng mawhpuak laphotding kicihi. Vice President Myint Swe pen abeisa in galkap sungah General khatmah ahihi. Sawltak #zomidaily