Tedim ah Motorcycle Licence kibawlthei tading

Tedim ah Motorcycle Licence kibawlthei tading

Mawtaw Cycle Licence bawl (ကညန) te maikha August 1, 2018 Tedim hong pai ta ding uh hi. A bawlnuam a sayin piasa khuasung/ khuata aa om te a ki theisak hi hang.

Tua Licence ki bawl zawh ciang mawtaw/ cycle licence ki limsit mahmah ta ding hi ci’n thunei te’n gen uh hi. Tuazawh ciang licence card copy te pawl ki ngah nawnlo ding aa nunglam etna (ေနာက္ၾကည့္မွန္) thuah hamtang ding, cycle nungah nambat suang hamtang kul ding ci uh hi. Cycle lukhu bel ih theihsa khu hamtang ding. A dangdang zuihding thu zong om thei khalai ding hi. Tedim Municipal

More: Mandalay ah Taxi Driver khat thautawh kikaplum in akikapzia palik te’n kansan

Tedim Municipal: Manggin Lampi zopsuak dingvai

Jan 29, 2018 (Mon) Sinpi zumah Manggin lampi zop suak ding vai Committee te leh huang neite kikup khopna om hi. Kimuhkhopna pen 10:00- 11:00Am dong nai khat sung sawt hi.

Manggin lampi i cih pen Lawmbual Sya Khawmpau te Sang (Corner Stone) geipan kipan in Pa Hau Mung, RC biakinn lui sakpan lampi beita hi.

Hih Lampi kizopsuak na ding in budget teng 45 (Lakhs 45) tungsiah pan hong pia uh hi. Lampi kizomsuak hi leh Peter Thawng (Hausapa) te innnuai tawn in Myoma AG biakinn gei-ah suak khia ding hi.

Budget tawmluat man, lampi bawl khit ciang phung (suangsi) ciansak zo kei leng tuuk ciang lauhuai ding ahihman in, thulu laih in, mundang khat ahi RC biakinn mai pan No. (2) Middle School gei dong lampi golsak/ kek (extending) zawk ding kithukim hi.Huang neite thukimna ki dong in, ki nget bawl lai ding aa, a senpi leh kisem pan ding ahi hi.

Manggin lampi zopna ding pen budget tamzawdeuh ngah ciang sep ding in ki geel hi.RC lui tuinaak sukhalo ding aa, tuinaak sak ah pai ding ahi hi.

Tuinaak huang zong sikling kai in ki um khin zo hi.Mipiphat tuamna ding a kigeel hi aa, mimal phattuam na ding ki geello in, mipisupna ding zong na kisemlo ding hi.

Khat veivei

Tuhunpaizia pen mipite deihna/ thukimna tawh kalsuan hun ahi hi. Tua hi aa munkhempeuh-ah mipi deihna i zuih zong hoih khin gai lo zel hi.

Khanthoh na ding a tuamtuam bawlna ah mipilam pan mi khat bek lungkim lohna tawh thu hong bawl leh uh tuamipa khat bek ahih hang in mipite (rights/ power) khempeuh aman nei mitmek mawk hi.

Mitampi tak in, Sialvom pen kang hi. A cih hang in, a Sialvom pen kang tuan peuhmah lo hi.Mipite kamtung pan a kang bek ahi hi.Democracy zong zangthei leng hoihnapi, a zang theilote a ding thaang bang zel hi.

Tuhunlaitak pen Tedim khuapi a kipuahsan laitak ahi hi. Khuasungah lampi , tuipaikhiatsakna, hawklam etc., a tuamtuamte a vengveng ah ki bawl ziahziah hi. Tedim Municipal