Zomi D.C News: Zomi ten VOA leh RFA Phualpi ah akhat veina interview va bawl thei
Zomi ten VOA leh RFA Phualpi ah akhat veina interview va bawl thei – Topan Zomite thupha hongpia in hong laamsang aa, minam pi khat in hong koih in i tun tun na ah thupha hong pia hi. Kawlgam pan US hong zin Zomi Congress for Democracy (ZCD/ZNC), General Secretary ahi Pu Gin Kam Lian (Pu Lian) leh Azi Nu Cing te zong Washington D.C Area ah nuamtak hong tung thei uh aa, Zomi Innkuan Washington D.C Area (Zomi D.C) te makaihna tawh akibawl Khuado Pawi ah Zin Mangpi in nuamtak hong kihel theih khit zawh ciang Voice of America (VOA) leh Radio Free Asia (RFA) te tawh interview bawlna leh holim khopna zong picing tak in va nei thei hi.
Tua kimuhna, interview bawlna te ah Zomi D.C General Secretary Thomas On S. Mung in zong va zui koi koi, va kha koi koi thei hi. Hi bangin Pu Lian in Zomite hong laamsang thei ahih manin lungdam huai mahmah aa, Zomi te taangthu sungah akhat veina VOA & RFA phualpi te ah pai in interview bawl theih na ahih manin zong angtan huai mahmah hi.
October 2 nitak in Pu Lian leh Zomi D.C makai te kimuh khopna, interview bawlna te zong nuamtak nei thei aa, Zomi D.C kipawlna pan zong sunsiah guanna zong kinei thei hi. Pu Lian pen October 3 ni in Zomite omna Des Moines, Iowa ah Khuado Pawi siim dingin va pai ding hi.
Pu Gin K. Lian leh VOA interview na Youtube video:
D.C Area Zomi Khuado Pawi youtube Video:
Pu Gin K. Lian leh RFA interview na: October 2, 2014)
http://www.rfa.org/burmese/audio
VOA, RFA leh D.C paina, Zomi D.C tawh kimuh khopna Photos:
https://picasaweb.google.com/osmung/PuGinKLianTawhKithuahkhopnaVOARFAZomiDC
D.C Area Zomi Khuado Pawi Photos:
https://picasaweb.google.com/osmung/DCAreaZomiKhuado2014Photos#
Zomi D.C News group, Information Department, Zomi Innkuan Washington D.C Area (Zomi D.C/ZIDC)/ Motto: “Zomi Sungah Innkuan khat i hi hi”; Covered Areas – D.C Area (Maryland, Washington D.C, Virginia)
Comment piaknop aomleh...