Tedim aa Zatui zangin sihvai kiphawkthak ding

Tedim aa Zatui zangin sihvai kiphawkthak ding

1. Zu tawh a si ki tam mahmah hi. Zu bel hile kum tam pi a dawn khit uh a hih theih nawn mahmah loh uh ciang si.

2. Tedim ah zatui zong a zangh om ta cih ka thei kum nih khawng pha ding hita, ka theih cil lam in zatui zat na pan in Shock in si cih ki za pah hi. Zatui a hih le zu sang in leitung ki nusia baih zaw hi cih mu khia ingh.

3. Van zuak ki lei cih pen a zuak om masa tua pan a lei d mi om thei pan hi. Lei ding van om lo pipi ki lei thei lo hi.

4. Tedim ah zatui te a zuak pawl khat le a zangh pawl khat ka hiau zaak zong om hi. Kei mitmuh hilo a hih man in bel kua mah gen nuam keng.

Zatuizuakte tung ah dot nop pawl khat 😒

1. Christian man mah na hi uh hiam?

2. Inn kuan pih tu le ta nei lo na hi uh hiam?

3. No inn kuan na tu na ta te un zangh le na lung uh a kim diam?

4. No kiang ah hong lei in a zangh te a si na theih na muh na zak uh ciang na lung uh nuam lel maw?

5. Business a hih sam hang hih ka zuak van te hg in mi bg zah in phat tuam na ngah a bg zah in siat na ngah cih na ngaih sun ngei uh hiam?

Zatui zangh te aw,

A masa in na zat man un hg mawh sak keng, a hang tuamtuam hang zong hikha thei in teh.

1. Na zat ma un ii biak Pasian hi deih maw deih loh cih ngaih sun masa in.

2. Christian khat hi mah veng ka gamtat na pen Christian nuntak na tawh a ki tuak hiam cih ngaih sun in.

3. Ka nun tak sung in Pasian a minthang sak le mite( Believers and Unbelievers) in lim pha ka hi nai mah tam cih ngaih sun in.

4. Na Nu le na Pa in nang na suah in bang zah ta in nuam in ki paak ding hiam? Nang tung ah lam et na bang zah nei ding hiam? cih ngaih sun in.

5. Na pianpih sanggam ten nang bang zah in hong it hiam? cih ngaih sun in.

6. Ni khat ni khat na van lei na sum ngaih sun inla tuat kik kik in ngaih sun inla, hih zah sum pen ka Nu le Pa ka sanggam ten ni bangzah khua-ul sa kai thuak in a zom hiam cih ngaih sun in.

Muntuam gam tuam a Christian te tung huh ngetna le thunget cialna

1. Tedim pen Christian min pua bek hilo in Zeisu lim sun a nungta gam a hih nang.

2. Zatui , kham theih tuamtuam zuak ten a dang business a zon theih nang.

3. Khamtheih tuamtuam zangh te in a nungta Pasian lam mah ah ki hei kik in Christian lim hoih lim pha a a nuntak theih nang.

4. Khangthak Zomi a kua ma peuh khamtheih guih theih sung ah ki diah lo in Pasian sung ah a ki diah a hih nang.

5. Khangno te nop sak na pen zu sai, lam gei khawng hi lo in Pasian biak inn siangtho sung mah a hih nang. Laiatm, Gin San Cing