Tate tungah hih Ngasa thumte nagen hamtang un

Tate tungah hih Ngasa thumte nagen hamtang un

(1) Chum Salmon Ngasa

Chum Salmon Nga anu pen tui in, atui khitciang akigamla lo mun khat pan in atui te ciing hi. Atui te hong keuh takciang ngasa neute in an hong zong thei nailo uh ahihman in apianna nu ii sa pen hong ne uhhi. Chum salmon anu pen ngasa neu (atate) petna nekna nasakna pen hacip in hong thuak tentan hi. Ngasa neute hong khantak ciang anu uh pen atate nekna hangin aguh bek hong omlai hi. Chum salmon ngasa anu pen leitung ah amanpha penpen ahi nute itna pen mi theiding a genkhia hetlo a piakhia ahihi. Chum salmon ngasa pen nu itna tawh akidim ngasa nam khat hi.

(2) Northern snakehead

Hih ngasa namte in tui in, atui khitciang amit tang nihte taw ci hi. Ngasa pen mittaw ahih manin a anding zong theinawnlo in gialkial na thuak hi. Atui pan a hong keuh ngasa neu tul tampite in anu uh an gawla asih ding pen en ngamlo uh ahih manin khatta khatta in anu ii kamsungah anu tha omna ding anding in lut uhhi. Anu uh anuntak hang ngasa neute nuntakna pen 10 ah 1bek om hi. Anu uh adingin akhangmoi lai un anuntakna uh pia khia uhhi.

Northern snakehead ngasa te in nulepa te pen azahtak ngasa ahihi.

(3) Solamon ngasa

Kum sim kumsim in tui uha, atui uh khuahun atun’ simin Solamon ngasa te in khualzin in tai tul tampi kantan uha tuipi pan in lui gun omna a amau pianna gam ah atungdong un ciah uhhi. Solamon ngasa te ii aciahna lampi uh pen ahaksa mahmah na pen CCTV te ii TV hun ah ganhing leitung cih hunah zaih in hong suaksak ngei uhhi. Aciah lam un tuiteu tuak te ah kahto in hong kantan uhhi. Tuiteu tuak ngei ah vompi te in mat ding in hong ngak uhhi. Tui teutuak tungah akahto zolo Solamon ngasa te pen Vompi te an hong suak uhhi. Tuiteu tuak hongkantan zo in alung uh amuan uh hang gun mupi te in matna zong hong thuak lai uhhi. Akampha ngasa te bek matna sihna tawh hong kipelh hi.

Akikhawl ahi athahatna tha le ngal te abei ciang Solamon ngasa te in apianna gam leh lei hong tung theipan uha anuntakna uh a athupi penpen ahi omkhawpna, tui na, atui nading un hong hih thei uhhi. Tua khitciang in apianna gam uh ah lungmuang tak in hong si uhhi. Mai kum khuakhal hun ciang Solamon ngasa te hong piang uhhi. Tua khitciang in luidung gun dung zui suk in amau nulepa te mahbangin ahaksak nuntakna pen hong kipan uhhi. Solamon ngasa te in apianna vangkhua uh pen ana ngaimahmah ngasa te ahi uhhi.

Hih leitung ah atawn in pen ngasa 3 te in eite pen athuakna te uh hong musak khin hi.

Amasa ngasa in nulepa te hi uh a eite ading in anuntakna hongpia khiate hi uhhi. Agamla paiding eite pen muhtawp in hong en in mangpha hong khak uhhi. Itsit na’ng omlo, lametna khatzong koih lo apiak khiat thei bangbangin hong pia khia uhhi.

Adang ngasa khatin tanu tapa te ahihi. Nu gilsung pan pusuak khitteh eite ii sisan kinai pih ahihi. Tua pan kipan in tekdong in omkhawm in panpih ding hi ci in lam en uhhi.

Adang khatin piangna vangkhua ahihi. Bangzah in gamla mun ah om mah taleng nikhat nitak ciang ciahna ding lampi cih lampi ah ih pai ding hi.

Eite pen ngasa bangin khattang sawl bang aheite ih hihi. Leitung ah tawmcik sung ngasa bangin tuisung ah kibual in om hi hang. Tua khitciang in hih leitung ah ihteng sungin ih nuntakna tawh kibang ngasa thumte pen ih it mahmah hi. Search Myanmar/ Cin Ngaih