Tan 10 All D pahtawina piak hunding kicianta

Tan 10 All D pahtawina piak hunding kicianta

Zomi sungah All D ngahte ZBCA in pahtawina mikhat teh Ks.1,000,000 (One million) ta apiak pen tun mi 21 bang acingding hita hi. Tukum adingin All D ngahte anuai abangin Pahtawi piakna ZBCA mintawh kinei ding hi.

Ani: September 2,2018 (Sunday) Ahun: 2:00 PM Amun: RCM Jubilee Hall, Tonzang khuapi.

ZBCA pan President Rev.Dr.Tun Cin Kap omthei ding. Innteek semding – TTBA leh ZBCM.

Hun geelna:

• 1- Chairman – Rev. Tuan Khan Mung-President,ZBCM.
• 2- Pahtawi piakna- Rev.Dr. Tun Cin Kap- President,ZBCA,
• 3- Special Speech- Father Kam Hau, RCM.
• 4- Special Speech- Rev. Langh Za Kap-GS,ZBCM.
• 5- Special Speech- Township Education Officer,Tonzang.
• 6- Lungdamkohna -Rev. Thang Suan Kim-GS,TTBA
• 7- Akicing Thungetna- Rev. Kham Sian Khup-Mandalay.

Theihding:

• Apai khempeuh ZBCA mintawh tuivot pia ding.
• Tutung Zomi All D ngah mi 3 leh Zomi te tunu khat kihel ding.

Hih Pahtawina avaihawm ZBCA gambup tung leh thu leh la khempeuh ah avaihawm ZBCA President leh ZBCM Zumpi akipan akihel khempeuh tungah lungdamna ipulaak hi.

ZBCA in Zomi te pilna dingin Ks. 20,000,000 (20 Million) valtawh khaici tuhkhin ta cihding hiphot hi. Lungdamna tawth thu zasak, Rev. Pau Khan Khai (GS, ZBCA) August 14, 2018. Source: ZBCA Facebook

Myanmar gambup Tan 10 laivuanna ah Zolia 3 in All D ngah

Aki tangkosa mahbangin Myanmar gambup ah Tan 10 laivuanna Exam Result pen tuni Saturday (June 02) ni in ki tangko khiata hi. Tan 10 laivuanna ah akidong Exam Question Paper pen Myanmar gambup akibang hi a, Myanmar gambup aom Tan 10 laivuan khempeuh pen aki gawtbawl zawdeuh, aki hamphat zawdeuh cihbang omtheilo hi.

Tua ahih manin Myanmar gambup Tan 10 laivuanna Result tungtawn in apil asiam pen aki gambup Level in aki etkaktheizong hipah hi.

Tukum Tan 10 laivuanna panin Zomi 3 in Subject khempeuh avekin Distinction (All D) hongngah cih kiza ahih manin, Zomi Daily panin kong lungdampih mahmah uhhi. Tuciangciang Zomi sungah All D ngah akiza pen mi 3 hi a, avek un Zolia vive hisawnsawn uhhi. Numei te gualtungtuang mahmah uhhi. (Zolia khat ii akhuapen Tungtuang hisawnsawn a, Tungtuang te gualtungtuang mahmah uhhi)

Zomi sungpan All Distinctions (All D) ngah Zolia 3 te:

Lia Ning Hau Ciin @ Hauciin

• Pa Min – Pa Cin Kap Hang
• Nu min – Nu Tuan Za Niang
• Pilsinna – Shwe Lah Min Private School, Kalaymyo
• Tenna – Tungtuang Khua, Tonzang Township

Lia Thawng Sian Tawi Cing @ Tawicing

• Pa Min – Pa Cin Khen Lian
• Nu min – Nu Zam Khan Vung
• Pilsinna – Shwe Lah Min Private School, Kalaymyo
• Tenna – Kalay Myo

Lia Chung Muan Kim @ Muanmuan

• Pa Min – Pa Ngo Cin Khup
• Nu min – Nu Zualte
• Pilsinna – B.E.H.S 2 Latha
• Tenna – Yangon

Hih Zolia 3 te tungtawn in Zomi te ihkipak mahmah hi. Topa’n hih Zolia 3 te maban hong zopsaksuak henla, Zomi te atawisang semsemding mipil misiam te hong suaksak tahen! Sawltak #zomidaily (Ref: Tedim Post)