Tal-kolh Khempeuh Mipil Hilo, Mipil Khempeuh Atal kolh Lo

Ei Kawlgam lampen nuntak khuasakna haksa, nek le dawn haksa a hihman in mi thau (fat) tepen a nuamsa zawdeuhding bangin ki ngaih sun hi. Tuamah bangin, pasal tal-kolh tepen mipil or pilna nei dingin ki um pongmawk hi. Thamlo in, pilna sang (high education) a nei mikhat a tal-kolh ban ah thatang ong gol mahleh etlawm leh muanhuai kisa pong hi. Himahleh, tal-kolh khempeuh in pilna na neikim lo a, pilna nei khempeuh a tal na kolh kimlo veve sam hi; tuamahbangin, ei Zomi te’n zong, pilna sang pipi a nei I tam mahmah hangin na (thu le la khat peuhpeuh) I deihbangbang a semthei tuan ding I hikei hi cih thu tawh kisai tawm kong kup-pih nuam hi.

Zomi tawh kisaipen a hun-hun in ong laangzel a,hunkhat teh ong mitzel hi; asawtlo in ong laang leuleu kikzel a, thukhupnamel omlo in beizel hi. Hih “Zomi” minpuakna tawh kisai net sungah a kisuahnakleh kingialna, ki totna topic hoih mahmah khat ongsuak a, nasiatak in kiselna (controversial) khat hiden hi;ahizongin, hih kiselna, deih kibatlohna te bangcih lemtuahding cih (problem solve) thu kuama’n kinbel in neilo in, ei’pansan tekpan maan kisatek in,ei lampi ong tawn nuamlo peuhmah mikhial mahmah in I ki tuattek mai hi; hihbang ngaihsutna (dictatorship) pen I neu a kipan a I gam sungah I neih leh kumpi te’ in I sisan sungaa ong guat/thun (install) uh a hihi. Tua a hihmanin, kimawhsak theihzong omtuanlo hi.

Hih dictatorship lungsimpen I gampan I ngah a hihleh gampualam a tungsa Zomi te in zatsuakding mah hiam or hihbang lungsim simloh a dang kikhel thei nawnlo hiam? cih dotna kei le kei ka kidong theizel hi. Tuatawh kisai in tawm ka sangkahna ah Mindset thu kasin ngeikhat kong hawmsawn nuam hi.

U.S gam khuak (brain) lam mipilte’n “ Mihing te’n lungsim puakzia nam 2 nei a Fixed mindset leh Growth / Growing mindset a hihi,” (www.mindsetworks.com and video)

http://www.youtube.com/watch?v=MTsF2TaEaJA

Hih a kibanglo nam 2 te tawm kikum ni; mi pawlkhat te-in a mau ii ngaihsutna,muhna,theihna etc… cihte simloh a dang thudon in neilo uh a, a mau ii ngap ciangciangbek mah kalsuan in a dang mahmah theihsawm lo,theinuamlo,ban ah theihnopna, tel nopna lungsim himhim nei lo; koikoi a pai, a tung zongin a mau ii lungsim bekmah ultungsak/taak-tuk or mit-taw-sial-khau- let tentan in kikhelnopna leh a thak sin nopna (curiosity) lungsim himhim neilo uh hi; hibangmite pen Fixed mindset nei te ii lungsim puak zia a hihi; Fixed mindset lungsim neite’n khantohna,gualzawhna leh matutzawhna nei ngeilo ci uh hi. Growth/Growing mindset leuleu pen, fixed mindset neitetawh tong-leh-laam in kikhai leuleu hi, atelnop dingin Sumkuang leh Bilpi tai kidemna tangthu dan hi a, Sumkuang bang a damdam tawntawn a,hunkhatciang in, a tupna a tungte zong a hihi; Growth mindset neite leuleu in na khatpeuhpeuh a thak sin-nop na leh a mau ii dinmun,lungsim ngaihsutna etc.. cihbangte a hoihlohlam a theihleh kikhel nuam,thamlo in migualzo te,mi tuptung te’ nungtakzia ciin bel leh zuihnop in nei uh a, a nisim nuntakzia uh a mun leh a mual dungzui in ki khekhel thei a, nakhat peuhpeuh pen hanciamna leh lungkiatlohna lungsim nei uh hi;hihbang mite pen Growth mindset neite ki ci a,a diak in U.S.A education psychologian te’n hih Growth mindset mikhempeun in a neihding nakpi-in thapiak pen in nei uh a,a diakin khangthak momno pilsin te’n a neihnadingun idea tuamtuam zangin pan-tah uh hi. Adiak in KIIP Courage Middle School, Boston te ii web site (kipp.org) ah kicingtak in khahkhia uh hi. Hih mindset thupen sang naupang te’ a dingbek a thupi hilo a,mikhempeuh ii nisim nuntakna leh hinkhua a ding a thupi penpen a hihna U.S psychology mipil ten nakpitakin thapiakna nei uh hi.

Thudangkhat leuleu ah, ei Zomi tepen leitung khantohna dungzui in

pilna tuamtuam a neizong ei’khom khatciangmah ongom ta a,zong lungdam huai mahmah cihding hi. Ahizongin, 90% tepen Laisiangtho lam pilna lam vive hizaw hi. Tu leitung kumzalom 21 hunciangin gamsung gampua ki-uk ziapen Polotics lam leh Law lam pilna a neite in mawhpuak neizaw a, Laisiango lampilna pen Biakna (religion) simloh a kizatna tam lo cihding himai hi (The Separation of Church and State laibu te ah kiciantak in kisim thei). I Kawlgam haksatna tuamtuam hangin I taikhia ngeingai a,gamdang ah Topa lamlahna tawh kizui in I tung hi; mipawlkhat tepen I gam or India leh gamdang tuamtuam ah Laisiangtho lamtawh buaih tuamtuam lasa tam mahmah hi- Zomi te’ mipil hi uh hi. Gamdang I tunteh LST buaih tawh kumpi nasep kingah lo ahihman in kumpi sung ah nasem ki tawm mahmah hi. A hizongin I gam leh I nam a ding mimuanhuai leh I suan tepen LST tawh pilna nei te vive hi leuleu uh hi; a theih uhzong tampi omdingin ka lam en a,a hizongin kumpi lamtawh kisai a septheihdinguh lampi kihong kasa kei hi banghanghamcihleh leitung gambup ah politics nasepnadingin LST buaih kalh(required) in kinei lo hi. Tua a hihman in Zomi tepen biaknalam ah I thahat a,politics kalsuan nalam ah iseptheih leh manawtding makai picing I neizokei hi.

Kei muhna (perspective)

Muhna kibanglo I hihmanin kalaigialh dik asalote’n nong telsiam nadingun ong thum masa ing. Kalaigialhpen ka thulu (title) tawh kizomphamel lo khat-tawh kibang hi; thu 2 kathuahnop man a hihi.Amasa in tulaitak leh a hun ahun a I ki toto theih a hi Zomi minlawh natawhkisai in, minlawhkhat bek “ ZOMI” I neihtheihloh napen thudang hilozaw a, Zo,Tedim,Saizang,Sihzang,Thahdo,Teizang,Khuano,Dim etc… tengin Fixed mindset I neihman a hihi cih kei muhna hi. Minlawhkhat ineih theihnadingin Growth mindset neihding kisam mahmah a,Pasian deihnatawhzong kituak ka sa mahmah hi. A nihna ah, kumpilam hitaleh gamvai khat peupeuh I ngalhat lohnapen Polotical leh Law mipil omvetlo hi ve hang,bangci tha hat mah ding! Lengtong Kamkhen leh Khup Mung in Zomi daily sungah kum 2013 mangphakhakna (last massage) ah a gen uh thupi leh thudik ka sa mahmah hi. I Zomi LST pilna sangpipi te muanhuai mahmah uh a,a mau ii septheih pen Biakna lam bekmah ah I muan mahmah ding hi a,nakhempeuh ah muanpah valval ding hilo hi. Ahangin, leitung tawnzia hilo hi. Law sin mikhat ordination kipetheilo a, LST mipilkhat lawyer or government representative khatin ki promote theilo hi,a sin lai uh kibanglo a,a septheih uh nasepzong kibanglo hi;hihthu Zomite’n tel leng I mipilte ki mawk mawhsak loding hi. Thamloin, I thanemna leh leitung thu kimakaihnalam ah I kitangsap pilna te kitelsemsem zaw ding hi. Tua a hihman in Tal-kolh Khempeuh Mipil Hilo, Mipil Khempeuh Atal kolh Lo aa,Phd, Doctrate hitah cihnatawh vaikhempeuh ong ham-mai theilo ding uh hi cih I telding KISAM kasa hi. Hih kalaigialhna ah genkhialh a omle mawhmaina leh thudam tawh kup-pihna nong piakdinguh ong thuming. Lungdam.