Taiwan gamsung ah Tour Bus kibung, mi 32 sikhin, 12 liamgawp

Taiwan gamsung ah Tour Bus kibung, mi 32 sikhin, 12 liamgawp

Taiwan, Taipei khuasung ah khualzinmi apua Tour Bus khat Monday zanlam in kibung ahih manin mi 32 takin sihlawh uh cih AFP in genkhia hi. Hih Bus tungah mi 44 atuangkhawm uh hi a, lamzikpi tungah kilumlet in atuahsiatna munah mi 30 sipah hi.

Asilo Passengers tezong liamgawp uh a, Taipei khuapisung aom Hospitals tuamtuam ah kipuak kawikawi hi. Zato paninzong mi 2 sihbeh leuleu hi. Adang mi 12 anungtalai tepen zato ah aki limbawl mahmahlaitak ahihi.

Hih Bus tungah atuang tepen kum 20 pan 60 kikal hi a, ahi zongin atamzaw pen piteek puteek vive hizaw cihi. Taiwan’s Tourism Bureau te ii genkhiatna ah hih khualzinnading avaihawm pen Tieh Lien Hua Travel Agency kici te vaihawm uh cihi.

Hih Bus pen bangcibang in tuahsiahiam cih aki theihcianlian nailoh hangin, mualpang lamkawi khatah lampi kikhaktanna Road Barrier te phukha in aki lumlet hiding kici hi.

Local Television te suahsakna ah tuahsiatna phualah Ambulances leh Fire Trucks te dimzihziah a, vandopna Crane te tawh kidomto in asung aom Passengers te ki honkhia hi. Hih Bus tungah atuangte pen Taiwan gamsungpan vive hiding cih thunei te’n genkhia uhhi.

Hih tuahsiatna pen Taiwan gamsung ah Tour Bus tuahsiatna anunungpen hiding kici hi. Tukha kipatlam inzong Taiwanese Tour Bus khatmah tuahsia in Passengers honkhatin liamlawh uhhi. Tua Bus tungah atuangte pen Chinese Tourists vive ahihi.

More: Taiwan gamsung ATM sungpan US$2 Million ki gukhia

Nungkumsung inzong Taiwan gamsung mahah Tour Bus khat ahawlpa in meitawh halmawk ahih manin, Chinese Tourists mi 24 takin Bus sungah sihlawh uhhi. ZD Sawltak #zomidaily