Taiwan ah nai 9 sung akizomsuak in Sakhituihup kimu in lamdang kisa mahmah

Taiwan ah nai 9 sung akizomsuak in Sakhituihup kimu in lamdang kisa mahmah

Sakhituihup ihcih Rainbow pen guahzuk khitdeuh ni asat ciangin omnuam phadeuh hi. Chinese pawlkhatte’n hih Rainbow tepen sawtveipipi kimukhalo ahih manin, amukha te kampha hi, daupai hi ci’n a ngaihsunzong om uhhi.

Ahi zongin nungdiak in Taiwan ah Rainbow kimu in, tua Rainbow pen nai 9 sungtak omsuak cimawk hi. November 30 ni in Taipei City aom Professor mi 2 te’n amuhkhiat uh ci a, hih Rainbow pen sawtveipi omsuak ahih manin, leitung ah sakhituihup sawtvei akimusuakpen “longest-lasting rainbow in history” hiding kici hi.

Tua Professor nihte’n hih Rainbow pen Taipei City sung aom Chinese Culture University (CCU) ah amuhkhak uh hi a, CCU Campus sung aom Dayi Building inntungdawn ah siangtak in kimuthei cihi. Tua Professor nihtepen Chou Kun-hsuan leh Liu Ching-huang kici a, anih un “Department of Atmospheric Science” ah Professor asem uh ahihi.

Video: World’s Longest Lasting Rainbow 360 Degree View in Taiwan

Amau ciaptehna ah hih Rainbow pen zingsang 6:57am hunin amuhkhiat masak uh ci a, nitaklam 3:55pm dongtak omsuak cimawk hi. Akigawm in nai 8 leh Minute 58 sungtak akizomsuak in kimu ahih manin, lamdang kisa mahmah hi.

Abeisa 1994 kumin England, Yorkshire sung aom Wetherby khuasung ah Rainbow khatvei akizom in nai 6 sung omsuak a, leitung ah Rainbow sauvei aomsuakpen in akiciamteh cihi.

More: Taiwan gamsung aom Restaurant khatpan Gas bung puakkham in mi 1 si, 14 liam

Tua ahih manin hih Professor nihte’n hih Taiwan sunga Rainbow pen “longest-lasting rainbow” ci’n Guinness World Records angahtheih nadingin Video leh Photo zong hoihtak in Record bawl uhhi ci’n Taiwan News te’n genkhia uhhi. Sawltak #zomidaily