Syria ah Rebel te ukna tunglam panin kikap, mi 15 si

Syria ah Rebel te ukna tunglam panin kikap, mi 15 si

Dec. 31, 2016: Damascus khuapi sunga om rebelste ukna Eastern Ghouta region kiim zan in tung lam panin kikap a, nautang (civilians) 15 kiiim in sihna tuak hi. Syrian Observatory for Human Rights (SOHR) in hih bangin ceasefire thukimna om lai-in Eastern Ghouta tung lam panin kikap a, Syria kumpi kap maw Rusiiate kap maw cih kitel lo hi ci hi.

Eastern Ghouta pen Syria kipat cil a kipanin rebelste ukna hi a, zan in a kikapna pen Douma, Harasta, Arbin, Zamalka leh Saqba kiim hi ci-in SOHR in gen hi. Eastern Ghouta a om AFP correspondent in zan zingsang panin vanleng ging kiza hi ci hi.

Rebels ten zong Ceasefire thukimna palsat in kumpi lehdo galkap (Opposition fighters) ten rockets zangin Damascus kap uh hi ci-in Damascus a om AFP correspondent in ci a, Damascus a kikapna hagin mi sagih in liamna tuak hi ci-in Syrian state television in gen hi.

More: Geneva thukimna tawh kisai tawmkhat (Geneva Convention)

SOHR in Daraa khuapi a kikapna ah naungek khatin sihna tuak hi ci hi. Hih bangin ngongtatna a pian’ kikna pen Russian President Vladimir Putin in Syrian government leh rebels ten ceasefire thukimna nei thei uh hi a cih khit nunga thupiang ahi hi. Syria buaina pen March 2011 in kipan a, tu dong mi 310,000 val in sihna tuak khin zo hi. Source: The Hindu/ Thang Khan Lian