Suu Kyi President a ngah khakding Myanmar Parliament Chief patau mahmah

Suu Kyi President a ngah khakding Myanmar Parliament Chief patau mahmah

Myanmar’s Constitution pen maikum Kawlgam General Election khit mateng kikhelna omloding hi ci’n Speaker of Parliament in genkhia hi. Hihpen Nobel laureate Aung San Suu Kyi in President a ngahkhakding patauhna hang leh Kawlgam galkap te thuneihna apengkhakding launa hi ci’n Martin Petty in Reuters website tungah gelhkhia ngiat hi.

Lower House Chairman Shwe Mann inzong President Election ah kihelding khensatna nei cih kiza hi. Myanmar’s Constitution in Suu Kyi pen President kidemtheih nading in khakcip ahih manin galkap kumpi sungpan mahin President a ngahding pen theihsa hong suakphialmawk hi.

Hih Constitution vaitawh kisai Shwe Mann in agenkhiatna ah “hihcibang hunlaitak in Constitution pen bawlphatding pianglo hi. Khialhna khat aom khakding lauhuai mahmah hi” cipongmawk hi. Tua ahih manin Election vaiteng asiankhit ciangin Myanmar’s Constitution puahphatding vaipen kigelpanding cise citciat hi. ZD Sawltak