Sunglampan sepna (Working by the Inner Power)

Sunglampan sepna (Working by the Inner Power)

Kha (lungsim) sungah kidimsakna pen sunglamtha tawh nasepna hipah hi. Tua pen kampauna tawh thupi tak leh lamdangtak in ki semzo pen hi.

Kampauna pen mihingte a’dingin a thupi penpen nasep ahihi. Ngaihsun aa i pau hitaleh ngaihsun selo aa i pua hitaleh tuate khempeuh sunglampilna in na za hi. Kammal khat bekbek i pulak denden ciangin ih sungah tua kammal kidim semsem hi.

Sunglampilna in i pulakthu a hoihmaw, a hoihlo theilo hi. Hong sittel lo, hong niallo in a pulak bangbangin kipsak pahpah hi. I genbangin suntawhzantawh na a semto pah ciatciat ahihi.

Gtn: ‘sum hamsa, ka sumbei siang, vanman tamlua, thadah sa mai ingh’ cihbang kammalte a ki pulak ciangin tua bangthute pan in i suahtak nading haksa mahmah ta hi.

‘Sum hamsa’ i cihciangin sum i ngahloh nadingin, i pulak thu a takpi a suah nadingin sunglam nasepna in tavuan la topah hi. Tua kammal ih sungah a kidim ciangin a pualam ih nuntakna sungah akimuthei hongsuak hi.

Sum ki khol theihlohna leh sum haksatna na pulak den na in nanga’ dingin sum haksatna ding piangsak hi. Hauhna leh deih kicinna lamah hong paipih lo hi. A mah lehtat loaa a kici bangbang taktun sakding cihpen a ma nasep ahihi.

Hihlaiah ‘sunglammi’ ci in kong at vat hi. Mihingsungah nasem minih a omlam laisiangtho sungah teltak in i muthei hi. Paul inzong sunglammi leh pualammi omaa tuate in nasem hi ci in hong hilh hi.

Sunglammi inzong nasem aa pualammi sangin hatzaw hi.

More: Na ngaihsutna in Zogam kikhel sakzo dinghi

Sunglammi thupen pualammi in nialzo taktak lo hi. Tuahiaa sunglam ah kidim sakding i cih ciangin sunglammi thupia (nasemin sawl) a cimahtawh a kibang a hihi.

Na deih te, na utdan te pulaklak lel in. Hong piangding hi. ‘Baihlamtak a Nalianpi Sepna’ laibu pan/ Siamsin Library