Sum RM42 Million neksim vaitawh Najib thu kibawlbeh leuleu

Sum RM42 Million neksim vaitawh Najib thu kibawlbeh leuleu

Malaysia gamsung ah abeisa in Prime Minister asem Najib Razak pen sum golhguk neksimvai “Money Laundering Act” tawh athakin thu kibawlbeh leuleu hi. Tuni Wednesday ni in thusitna athakin akinei hi a, Money Laundering tawh kisai in nam 3 in thu akibawlbeh ahihi.

Kuala Lumpur khuapisung aom Sessions Court ah zingsanglam 8:49am hunpawl in thusitna neidingin Najib Razak pen tungkhinta hi. Akiim apaam ah MACC akici “Malaysian Anti-Corruption Commission” ulian te leh Police te’n limtak in kemcip in thusitna zumpi ah kipaipih hi.

Tuni thusitna akineihna pen abeisa in SRC International Sdn Bhd tawh kizom in RM42 Million bang aguk neksimna tawh kizom kici hi. Najib pen Charges nam 3 tawh athak in thu akibawlbeh hi a, tuate pen Section 4 (1)(b) of Anti-Money Laundering Act, Anti-Terrorism Financing Act, Proceeds of Unlawful Activities Act (Amla) cihte hangin thu akibawl ahihi.

Thu akibawlna teng Court Interpreter khatin Malay pautawh asimkhiat ciangin Najib in “faham” ci’n amawhna te katelmah hi ci’n genkhia hi. Najib lampanin bangmah thuumna, ngetna neikiklo hi.

Najib in abeisa Prime Minister asep hunsung in ama mimal aituam Bank Account sungah sum RM27 Million, RM5 Million, RM10 Million cihbangin 3 vei lutsimsak ahih manin, tuate hangin amawhna nam 3 tawh tuni in thu akibawl ahihi.

Video: Datuk Seri Najib Tun Razak has been charged with three counts of money laundering amounting to RM42mil under Section 4 (1)(b) of Anti-Money Laundering Act, Anti-Terrorism Financing Act and Proceeds of Unlawful Activities Act (Amla) 2001 on Wednesday (Aug 8). After the charges were read out in Malay by a court interpreter, Najib said “faham” (understood). No plea was recorded.

Tuabangin ama Bank Account sungah sum alutsak pen abeisa 2014 leh 2015 kumsung hi a, Jalan Raja Chulan aom AmIslamic Bank branch panin alutsak kici hi. Tua sumte pen thuman thutak tawh angah hilo in, illegal activities panin angah hi a, ama Bank Account sungah Rentas (Real Time Electronic Transfer of Funds and Securities) tungtawn in alutsak ahihi.

More: Khanmawh bawk (Nekgukna leh golhgukna) ~ Tual Khan Suan

Sessions Court judge Azura Alwi in hihvai pen High Court ah puaksawnding phalna pia in, amawhna kiciantak in aki muhkhiatleh Najib pen thong kum 15 sungbang kiatheiding a, tuaban ah RM5 Million ciangbang liausum ki liausak theiding cih kiza hi. Sawltak #zomidaily