STM Degree ngah lungdam pihna

Dear Sia Paubawi leh Net Members,

Pasian thupha piakna tawh Ama thu nungta a sin Pastor Suang Khen Pau in May 9, 2015 ni in Dallas Theological Seminary, Dallas, USA pan in STM (Master of Sacred Theology) degree hong zo thei hi. Kawlgam kumpi laivuan tan 10 a zawh khit ciangin Lai Siangtho pilsinna nei a, anuai a bangin gualzawhna ngah hi.

B.Theol., 2004 (Tedim Christian College, Yangon)
M.Div., 2011 (Myanmar Institute of Theology (MIT), Insein, Yangon)
M.A., 2012 (Philippian Baptist Theological Seminary, Manila)
STM., 2015 (Dallas Theological Seminary, Dallas, USA)

Master Degree vive thuap thum ngah ahihman in, Zomite sungah Master thuap thum ngahmasa hi dingin ka um hi.
Zomi a tamzaw ten, M.A., M.Div, M.Th., degree cihte ngah uh a, Siapa ngah thak master pen Master of Sacred Theology hi a, ka theih khelh kei leh Zomi tesung ah STM a ngah Rev. Dr. Simon Pau Khan En leh Sia Suang Khen Pau hi ding uh hi. (STM degree ngah Zomi sungah midang a omlai leh hong telsiam un!)

M.Div. MIT, Yangon ah asinlai in Dr. Chit Maung Merit Award pahtawina sangpen ki pia ngei hi.
2006 kum a kipan in Kansauzang Tedim Tuiphum Pawlpi ah Pawlpi kemsia sem a, tuni dongin kizom lai uh hi.

Tedim zatopi (Public Hospital, Tedim) ah Nurse (sayama) a sem, Siapa‘ Innkuanpih, Siamah Vung Hau Lun in Siapa ciah ding kal ngaklah in mitmulsauta ahihmanin, Siapa USA ah sauveipi tamzo nawnlo ding a, July kha sungin Myanmar gamah ciahkikta ding cih thu kiza hi.