Southern India ah khuahun lumlua, mi 230 si

Southern India ah khuahun lumlua, mi 230 si

Southern India aom Andhra Pradesh State leh Telangana State te ah “Heat Wave” in nawk in khualumlua mahmah ahih manin abeisai ni 10 sungin mi 230 in sihlawh hi ci’n Sunday ni in kumpi thuneite’n pulakkhia uhhi.

Andhra Pradesh State sungah dawnding tuisik nangawn hamsa mahmah in, acimawh tammahmah cih State’s Chief Minister Chandrababu Naidu in Times of India te kiangah genkhia hi. Andhra Pradesh State ah atawmpen mi 100 peuhmah siding cihzong genbeh hi.

Tuaban ah ni asatdiak hun ahi 11am pan 4pm kikal innsung panin koimah apualam vakkhiat lohding zong limvaikhak mahmah hi.

Khuahun Temperature pen 40 pan 44 Degrees Celsius dongah kahto a, khuahun ngeina sangin 5 pan 6 Degree bang tamzaw hi.

Telangana State sungah abeisa ni 10 sungbekbek in khuahun satluat manin mi 130 in sihlawh cih Disaster Management Commissioner Bhambal Ram Meena in genkhia hi.

Hihciang bektawh khawltuak nailo a, khuahun pen atawmpen kalkhat sungbang lummahmah laiding cihzong Indian Meteorological Department pan tangkokhia uhhi. ZD Sawltak