South Korea gammi khat Malaysia gamsung inndei khatah asisa in kimu

South Korea gammi khat Malaysia gamsung inndei khatah asisa in kimu

Malaysia gamsung aom Apartment sungkhat ah South Korea gammi khat asisa in kimu cih theStar pan kiza hi. Sentul OCPD Asst Comm R. Munusamy ii genkhiatna ah Apartment Security Guard khatin March 09 zanin inndei khat ii asungpan agim anamsia mahmah khat zakha ahih manin Police te zasakpah cihi.

Tua Apartment pen Jalan Sultan Azlan Shah aom hi a, Apartment Guard pa ii genna ah amuat a uihcip gimkhat inndei sungkhatpan kaza cihi. Tuaciang in Police tetawh inndei aki sungkalhpen kalkhia uh a, asungah alut uhciang in lupna tungah pasal khat akhuplupsa in asi mukhia uhhi.

Agei naiteng ahzong sisan kimu kawikawi cihi. Inndeisung aki Check ciangin tuapa ii ID (Indentification) kimukhia a, South Korea gammi kum 43 aphakhin khat ahihlam ki theikhia hi.

Avengteng akidot kawikawi ciangin akimuh nunung uhpen kalnih bang hita ci uhhi. Forensics Team te’nzong innsungteng hoihtak sitcianna nei uh a, innpualam panin kuamah guklutsim cihbang omtuaklo cihi. Tuaban ah asipa zong apumpi tungah bangmah liamna omlo ci a, Heart Attack tawh asi hiding in ki ummawh hi.

Police te genna ah ageinai ah sisan kimute pen asihkhit ciangin sithu aluangkhia hiding kici hi.

Hih misipa pen hih Apartment ah May 2016 kum pekpan in aom hi a, Malaysia gamsung ah English Study bawlding in aom kici hi.

More: South Korea aom US Ambassador pa tempan tawh at thuak

Zato panin Postmortem akibawl cianginzong Heart Attack mahtawh asi cih ki mukhia hi. Asihzawh atawmpen ni 4 peuhmah cingkhinding kici hi. Embassy panin a innkuan pihte zaksak nadingin ki vaihawm cih kiza hi. ZD Sawltak #zomidaily