Video: Yangon khuapi City Hall maiah Siamsin te lamna

Video: Yangon khuapi City Hall maiah Siamsin te lamna

Zongeina Lam Lahna kinei | 13, April 2018 | Yangon

Tuni Zangkong khuapi City Hall ျမိဳ႔ေတာ္ခန္းမ mai ah tuibawhpawi muakna a kibawl ahi Myanmar gamsung a om Minam tuamtuam te lamna ah Zogam aiawhding in Siamsin Kipawlna _Yangon te Tedim Association (TA) te vaihawm natawh valam thei uh hi.

“hih lamna pen ingeina kepna le lapsangna khat ahihman in hoihsa in thupi kasa vua, ka angtang mahmah uh hi” ci-in alam siamsin ten gen uh hi. Video -Tuangpi/ Zingsol

Video: Yangon Thingyan Festival ah Zomi te ngeina lam

Zomi Siamsin Kipawlna – Yangon te’n Zomi te ngeina lam lahna nei

13, April 2018 | Yangon :: Zangkong khuapi ah kumsim aa kibawl a hi tuibuah pawi muakna in kawlgam sung a om ninam tuamtuam ten ngeina lam lahna kinei in Tediam Association (TA) te vai hawmna tawh Zogam ai awhding in Zomi Siamsin kipawlna-Yagon ten Zolam valam uh hi.

“Hihdan ngeina lampen mikhempeuh in a ngah hilo in- ei adingin i tanvo (အထူးအခြင့္အေရး) hi” ci-in lamtheihanding a vaihawm Tedim Association (T.A ) pan panmunlen Pa Khen Za Sian, Dr. in gen hi.

“hih ngeina lam lahkhiat theihna pen hoihsa mahmah ingh, zong angtang mahmah ing. Banghang hiam cihleh, ei Zomi te pen minam tamlo hinapi hang, mikhem peuh in angahlo hamphatna ngahkha ihih man in lungdam ing, i ngeina te kepcingna, lapsang na hi” ci-in Zomi Sianmsin makai- Tg. Gin Deih Mung(Junepi) in gen hi.

More: Yangon ah tuibuahpawi Thingyan Festival sungteng Security khauhsakding

Hih ngeina lamlah napen Zomi te kihel zawh kum (5) hita a Tedim Association te a kisapna tawh kizui in Zomi Siamsin Kipawlna- Yangon te vaipuak a kipia hi ci-in T.A makai pipa in gen hi. Zomi Siamsin kipawlna -Yangon pan mi 16 leh T.A pan panmun len mi (5) va kihel thei uh hi. Zingsol